شكرا سلاااااااااااف
لكن ما كتبت الكلام هذا الا عشان يستفيدغيري
لان الحياة تجارب والانسان يحب الناس كويس..... بس مايثق زياده باحد ويحاول يبتعد اذا لزم الامر

صـــــــــــــــح عليك .. مانثق بأي انسان

...............

وحده كانت تدق علي بأوقات غلط وتسولف معاي وتفضفض لي
وكنت مرررره اتعاطف معاها
ولما صار عندي مشكله وبغيت افضفض لها
تخيلوا قالت لي
فلانه انا عندي مشاكلي والي فيني مكفيني مابي اسمع مشاكل غيري :icon810: << معنى كلامها كذا

المواقف كثيره لكن تراكمت وتكونت خبره عندي على صعيدي المهني و الاجتماعي وحياتي الزوجيه شوفوا حبايبي


اولاً: على صعيد الأجتماعي تعلمت الرسمية الأسرار الشخصيه ماتظهر لهم فقط الكلام في الأمور العامه و عدم الغيبه و النميمه انتبهوا من هالنقطتين لأنها حرام في الدين ومنبوذه اجتماعياً لأنها بتخسرك علاقات الغوها نهائي قولي مع نفسك هذا الدرس ( انا في مجتمعي لا اغتاب ولا انقل كلام ) فقط سوالف عامه عن قضايا المجتمع و الأمور العاديه واهمها احياء مجالس الذكر و هذي افضلهم اضافة الى ذلك كوني صادقة بكلامك لأن الناس ممكن قدامك تمشي كذبتك لكن من وراك تحتقرك في داخلها لأن ( الناس ليسوا مغفلين ولا يستغفلون ) بل هم بنفسهم يتغافلون .

وفي كلمة حابة اوجهها للي بتعمل اخطاء فادحة في حياتها لا ترضي الله ولا رسولة ولا يرضاة اعراف او تقاليد او مجتمع

(احب اقول اذا انت عملتي حاجه تسيى لنفسك او لكرامتك او لسمعتك او خنتي زوجك او تنزلي نفسك للرجال وتكلميهم بدلع بالجوال خصوصا الرجال اللي في الدواىر الحكوميةعشان يمشون لك معاملة او مصلحة وتظهرين للناس بأن ماعندك لعب و انسانه مستقيمه احب اوجه لك كلمة ترى الناس ماهي غبيه ولا هي هبله الناس الا ماتحس انك مو مضبوطه وانك على خطأ الناس ماهي غبيه لو ضحكت لك وما وضحت لك ترى اي شيى ما يرضى فيه رب العالمين راح يكون مفضوح مهما خبيتي فسارعي بأنك تتوبي من اي خطأ او زله و عيدي حساباتك مع نفسك و مع ربك وكلامي هذا من واقع انا عايشتة من ناس زي كذا فاحت ريحتهم في المجتمع اللي هم فيه والكل يدري عنهم الا هم مايدروون ان العالم تعرف و لكن ساكته فا احذري و توبي لربك!!

ثانياً: على الصعيد العملي راح تواجهين غيره و احقاد و ظلم فكوني دايم طرف محايد سواء احد اشتكى لك من موقف او من احد .. و كوني حقانيه في اي شيى تشهديه و طلب منك تشهدي فيه .. و كوني امينه لأن الله ما عطاك هالرزق الا وانتي محاسبة عليه و على كل ريال فين تنفقيه...

ثالثا: الحياة الزوجيه كوني الصدر الحنون لزوجك وابنائك لانه اذا فقدوه منك فا الزوج راح يدور زوجه و الأبناء راح يحتوونهم الأصحاب .. دائماً خلي بينك وبينهم لغة التفاهم لا تعدميها لأنك انت اساس البيت و بدونك يضيعون.




مجمل كلامي اوصيكم بدرس انا تعلمته في خلال 31 سنه من حياتي الا وهي كوني حقانيه مع نفسك قبل ما تكوني حقانيه مع الناس و تأكدي ان الصدق منجاة وهذا اهم شيى اذا تعودتي على كلمة الحق راح تتعدل حياتك و ربي ييسر لك كل مافيه خير لك..



و بتوفيق

ررفع

المواقف كثير بس اكثر درس تعلمته من ذي المواقف اني مااثق في احد بسرعه لاني انقرصت كثير من طيبتي الزايده وعلى بالي كل الناس طيبين وقد الثقه