السلام عليكم ورحمة الله وبركاتة
وشلونكم ياحوائيات وش اخباركم بهالرمضان
وجعلكم من عوادة كل سنة وكل عام
اليوم اختكم حبت ترفة عن عيالها وعزمتهم برة وطبعا اهم هدف بهالطلعةاني اوفي بوعدي لكتاكيتي لاني كل فجريه اوعد عيالي الكتاكيت بقرية الالعاب اذا ناموا مبكرين وبدون مطاردات توم وجيري المعتادة لان من دخل رمضان رتمنا ماتغير طبخ مسجد نوم
وشليت شلايلي عقب ماصليت التراويح بمسجد الحارةومشينا
ولاني من هواة ضرب عصفورين بحجر اقنعت عيالي بمارينا مول منها امر محلاتي المفضلة وامر الماجد بمناسبة هالتخفيضات
ومنها ندخل الملاهي حقتها وبصراحه ماكانت مليانه حيل فيها ناس بس مو كالمعتاد
ولما كنا نسولف وحنا نتمشى بين الالعاب جوني عيالي الصغار ويترجوني انهم يلعبون بلعبه الكور الفلين عباره عن غرفه من الخيوط كبيره وفيها زي المدافع تضرب كور فلين
وقلت يالله لعبه حلوه خل عيالي يلعبونها وقبل ليدخلونها دخلها رجال مع ولده او اخوة وبس شاب ومسكت عيالي قلت لما يخلص الرجال عشان ودي عيالي يلعبون لحالهم بدون اشخاص كبار او مع اطفال بعمرهم المهم وانا انتظر قربوا جنبي اربع بنات مع شغالتين وكل وحده لابسه ذاك البنطلون الضيق ومعلقة هالجوال تقل معلقة سعر سلعة يادافع البلاء وعبايه طايره وراها كنها سبايدرمان ووحده منهم بدون عبايه كلش ولابسات قبعات .....قمت اتلفت ادور شمس مالقيت خبري يلبسون القبعات بالنهار عن الشمس ....ووحده منهم لابسه نظارات شمسيه وحاطتها على راسها كنها طوق وفعلا هالمره دورت الشمس من جد .............
بس اللي قهرني ان البنات دخلوا على الرجال في اللعبه لا كانه موجود وقاموا يلاعبون الولد والرجال معاه وهي ثواني الا الشاب هو اللي يلعب والطفل بس يتلفت وطايره البوهه
والرجال اللي بالاستراحه حقت الحلاقين مقابل اللعبه على طول كلن فتح كشرتة ويتبسم لانهم دروا ان اللعبه تحولت لشي ثاني وشوي الا الرجال والبنات يضربون بعض بالكور والشاب بعد مااااااااااااااااينشن الا على المزيونه والثانيات مطنشهن لمااااااااااااا قاموا يلعبون معاه ويحارشونه وانا ماغير عيوني احولت من كثر ماراقب الكور خخخخخخخخخخ
لاني اكتشفت ان الكور تضرب اماكن معينه من البنات والشاب وخلف الله علي لما اخر لحظة وانا اقول يتهيالي لما وحده واقفه جنبي تقول يالله ستر الدنيا والاخره لما خلص الشاب وطلع طلعوا هالبنات والله اعمارهم ماتعدى 16بس اللي انا احاتيه ومستغربة منة وين امهاتهم الله يهديهن مهيتات هالبنات يسرحن ويمرحن على كيفهن لاحسيب ولا رقيب واثقات محد محاسبهن ولا قايل لهن وين انتن
واعتقد ان كل راع مسؤول عن رعيتة وبالذات المراهقات والمراهقين بهالعمر محتاجين احد فوق روسهم يوجهم ويرشدهم
ويالله تستر على كل من يدور الستر
اختكم/ اخت الغلا كله
اخت الغلا كله @akht_alghla_klh
كبيرة محررات
يلزم عليك تسجيل الدخول أولًا لكتابة تعليق.
لاحول ولاقوة الابالله حتى بالهشر الفضيل الناس ماتترك عوايدها الشينه ياما شفنا بنات صغار لاحسيب ولارقيب انا مره كنت بسوق النور بالمدينه وانا ماشيه لفت نظري بنات صغار مايتعدوا ال16 مثل ماقلتي وشوي جو مجموعه ثانيه بعمرهم ويسلمون ع بعض متواعدت بالسوقبذمتكم هذول البنات وين امهاتهم عنهم لا والعبيات حدث ولاحرج ادري طولت بس ذكرتيني بالسالفه وتقبلي مروري
ههههههههههه
تقولين وين امهم؟ امهم الله يخلف ماتدري وين ربي حاطها
تلقينها معزومه في جمعة حريم ومهيته بناتها الله لايبلانا
تقولين وين امهم؟ امهم الله يخلف ماتدري وين ربي حاطها
تلقينها معزومه في جمعة حريم ومهيته بناتها الله لايبلانا
الصفحة الأخيرة
يالله معقوله وصلنا لهالدرجه وين اهلهم عنهم ؟؟؟؟؟
وربي انه شي يضيق الصدر...
الله يستر على بناتنا ويهدي شبابنا
الوحده والله صارت تخاف على زوجها من هالاشكال ,,,,