الله لايجيب القهر والزعل لأحد

الله لايجيب لازعل ولاهم ولانكد...

يعطيك العافيه يا سكره

أنا مستحيل أنسى هالموقف صار لي في زواج أخوي كانت الدقاقة تدق والناس مستانسين
وفجأة أشوف الناس حول ولدي ورحت له جري وطحت في الممر قدام الناس من الفجعه على ولدي
وأخذت ولدي وطلعت برى الصاله عن الناس ولقيته شرق بالمكسرات وكانوا أخوات زوجي يهدوني والناس
يفجعوني وأخذوه من يدي وماخلوني أشوفه وكل الحضور جوا عندي والدقاقه وقفت وصرت ما أشوف ولدي
بس اسمعهم يقولون الولد مات وعاد أنا كانت حالتي مايعلم بها إلا الله بغيت أموت اصيح وابكي
المهم أخواني سسمعوا الصياح ودقوا الباب وأخذوا ولدي وبعدين نادوني وخلوني أشوفه والحمدلله ولدي طيب
ومافيه شئ بس الناس الله يهديهم إللي كبروا الموضوع قمت أخذت ولدي ورحت للغرفة وماعاد طلعت
وبصراحه حطوني الناس في موقف لاأحسد عليه والحمدلله على كل حال .

لو احكي منا لبكره مابردت حرتي
ان شاء الله بالجنه نشتهي كل شيء
سبحان الله بحمده اشهدان لااله الا انت استغفرك اتوب اليك

في زواج عمي
ابوي الاخ الاكبر سوى عشا كبير ببيتنا قبل يوم الزواج
وسمعت عماتي يتناقشون بصوت مرتفع وكانوا زعلانين
ليه لان اهل العروس دقو عليهم وقالو مانبغى الذهب ماهو بزين مو عاجبنا غيروه اشتروا بداله
طيب كان قلتوا قبل الزواج باسبوع مو بيوم
المهم عدى الامر على خير وغيرو الذهب بنفس ليلة العشا
وانا طول العشا حاسه ان فيه شي غير طبيعي بيصير بيوم الزواج
يوم الزواج رحنا المشغل وخلصنا لبسنا فساتيننا ورحنا على القصر
كانوا الحضور متوسط لاهم قليل ولا زحمممه
ومناسب يعني
والطقاقه روووووعه المهم طقت مره ورقصنا والمره الثانيه صرخت عمتي واغمى عليها
ليه لانها شافت بنت عمها واقفه جنب الكوشه وشقتها وخررربتها كانت الكوشه رووعه بمعنى الكلمه
يروحون باقي عماتي لها وتناقشوا بحده وخلوها
زفوا العروس وقالت الطقاقه : تغطوا اخو العروس بيدخل
رحت باخذ عبايتي من عند الامانات ابي ادخل تدفني ام العروس بقوه وبنتها وانا مادري ليه تسوي كذا
تخيلو كان واقف عند الامانات ويطالع بالبنات
وعمتي قالت لاخته : خلي اخوك يتنظر برا بناخذ عباياتنا
قالت بكل ووقاحه : ماهو ولد الفلاني اللي ينتظر وصرخت ادخللل
وهو ماصدق خبر دخل بوجهنا ركضت لاقرب طاوله اتخبى وعمتي انهبلت
وكنا متفقين ان ولد عمتي وعمي مايدخل اللي هم من اهل العريس
وولدهم مايدخل اللي هو من اهل العروس
بس هم انقضوا الاتفاق ودخلوه على البنات وكانوا نصهم كاشفات وصرررخن لما شافوه داخل
كانت ليله سيئه

طبعا قبل 3 سنوات هالسالفه بس والله قهر عرس عمي ولا فرحنا فيه
وعماتي مارقصوا ,,