يا بنات البارح صار لي موقف لا احسد عليه
ولدي الله يخليه عمره سنتين ونصف متسلط على اخته الصغيرة ام اربع شهور
وهو للمعلومية يحب يلبس الثياب وبهذلني على الثياب اشتري له بدل اشكال والوان وما يبي الا الثوب
المهم البارح بالليل وانا نايمة وبنتي الصغيرونة بجنبي بسريرها
فجاة قمت الا ولدي لابس ثوب ابيض وراكب فوق السرير يبي ينزل على اخته واذا نزل عليها وش يبي يسوي اكيد يبي يسوي كل اللي تتمنى نفسه
المهم فزيت من نومي ونزلت من سريري بسرعة وضرب طرف السرير رجلي بقوة وشلت البنت وانا اتراجف واسمي عليها واجلس بالارض واحس ان عروقي تتنابض
احس اني ام مثالية تصرفت بحكمة بان اخذت البنت قبل لا يجيها شي
وافتح عيوني الا ولدي نايم على فراشه
((هو ينام على الارض عندي ))
ولابس بجامته وما عنده من الشيطان طاري
ويوم صحصحت الا اصلا الثياب البيض من دخل البرد شلتها وخبيتها عشان ما يشوفها
واناظر لسرير بنتي الا الناموسية البيضاء اتخيلها انه هو واشوف الساعة 4ونصف
واتعوذ من الشيطان وارجع البنية لسريرها واسمي عليها واحمد الله انه كان تخيل
والله اني ما انساها ورجلي لحد الان توجعني من قوة ضربة السرير
صراحة ولدي سبب لي رعب حتى بالنوم
ام البراق @am_albrak
محررة
يلزم عليك تسجيل الدخول أولًا لكتابة تعليق.
lamnoor
•
ههههههههههههههههههههههههههههههههههههههههه ضحكة من كل قلبي الله يخليهم لك ويصلحهمههههههههههههههههههههههههههههههههههههههههه ضحكة من كل قلبي الله يخليهم لك ويصلحهم
لو اني منك كان اجمد بمكاني لحالي انا خواااافه
لدرجة اذا بروح الحمام وانتي بكرامه ماصك الباب خليه شوي مفتوح واجلس بنتي على الدراجه واخليها قريب من الحمام بس عاطيتني ظهرها عشان لاتشوفني هههههه:35:
لدرجة اذا بروح الحمام وانتي بكرامه ماصك الباب خليه شوي مفتوح واجلس بنتي على الدراجه واخليها قريب من الحمام بس عاطيتني ظهرها عشان لاتشوفني هههههه:35:
الصفحة الأخيرة
وسلامه قدمك ياعسل ماتشوفي شر