السلام عليكم ورحمة الله وبركاته
انا جديده في المنتدى بس كنت متابعه له دااااايم والحين سجلت ويعلم الله اني مرررررره احبكم وادعيلكم دوم وان شاء الله تتقبلوني وتحبوني كمان خخخخ طماعه صح
المهم انا ابغى اقولكم موقفي لرد الاساءه بالاحسان,,,,,,,,,
اناعماتي شقيقات ابويه الاوحده مادخلوا بيتنا من 13 سنه تقريبا مايبغون امي مررره بس انا والله العظيم قبل كم سنه صحيت على نفسي الحمد لله وقلت لازم اصل الرحم واقابل الاساءه بالاحسان مايصير المهم زنييييييييت على ابوي يوديني لوحده منهم كان اخر يوم في رمضانرحت انا وياه افطرت عندها وجبتلها هديه بعدين صرت متواصله بالتليفون معاهم كلهم ومااقطعهم ابد والله يابنات احس برااااااااحه عجيبه وهم كمان صاروا يحبوني وانصح كل وحده تسوي الخير وماتنتظر الجزاء من احد ربي الكريم هو اللي بيجازيك,,,,وانا اسفه طولت عليكم



الصفحة الأخيرة
بس الانسان ينتظر الاجر من الله ماهو من الناس
وشكرا على موضوعك الجميل
موقفي بصراحه الى الان ماني قادره انساه
لكني مسامحه صاحبته
وهي بكيفها بتسامح والا لا
وحده قضيت لها عطورات ومكياج زواجها من نفس المحلات اللي ارضاها لنفسي
بحكم انها ماتعرف للاسواق والماركات
المهم وخدمتها من عيوني كاخت لي
ومرت الايام واخطات بحقها
واعتذرت لها وسلمت على راسها
ولكنها طنشت ولا حتى قالت انا مسامحتك
وفوق هذا كله طلعت عني كلاام
وقالت اني حقوده وحسوده وووالخ
ويشهد الله علي لو اني حقوده مثل ما قالت او حسوده ماكان عبرتها واعتذرت منها
المهم مرت الايام
وجات عند اهلي عزومه كبيره
وباشرت فيها بالقهوه
وكان تلحقني والله العظيم تجري وراي للمطبخ وكان فيه وحده من اخواتي اصغر مني ومنها
المهم قالت لي كلام يسم البدن
انتي ماتضيفين وانتي ما صبيتي لبنات عمك بس صبيتي قهوه لحمولتك ومن هذا الكلام
واصلا انا صبيت القهوه لبنات عمي في غرفه ثانيه
واكرمتهم
ولا شفت حمولتي لانهم توهم واصلين
سكت وطنشت
بعد ماخلصت كلامها راحت وقالت لي اختي
ماعليك منها
قلت ماعلي منها ولا اريد منها جزاء ولا شكورا
مع انه كان بامكاني ازل عليها واسكتها
بس احترمت ابوي لاننا ببيته
واحترمت امي واكرمت ضيوفها
والى يومكم هذا وهي قاطعتنا لاتجينا بولاده ولاغيره
واحنا اول باول نجيها ونكرمها
بس هذا موقفي
والانسانه هذي ما بيني وبينها الا السلام فقط
وشكرا مره ثانيه على الموضوع