موقف له يومين مأثر فيني

انا يابنات رحت قبل يومين موعد مع ولدي الله يشفيه ويرفع عنه
المهم بعد ما خلاص خلصنا امورنا ورحنا عند الاستقبال نسوي مواعيد جديده
الا واسمع صياح
انفجعت بس ماعطيت الصوت بال
وشوي واسمع الصياح من جديد بس المره ذي بان لي ان الصوت لرجل
وقلت لنفسي اللهم تجعله خير
واقول لزوجي دامه رجال اللي يصيح يعني مغلوب على امره وصار معاهم شي كبير
قال لي زوجي الله يشفيهم ويرفع عنهم اذا مرضى
وسكت الصووت
واحنا اخذنا اوراقنا وجينا طالعين لصالة الاستقبال
في طريقنا للصاله رجع الرجال صااااح من جديد
والمره ذي التفت وشفت اللي يصيح
وياليييييتني ماشفت
اااااااه ياقلبي شايب ومعاه شاب
مات عليهم شخص والناس والدكاتره يهدون فيهم وهما يصيحوون لاااااا مو مستوعبين اللي صار
وكل ماحد قال الله يرحمه صاحو وقالو لااااااا
ااااه ياربي الشاب لو شفتم حالته كيف صارت
رجل في الكرسي ورجل في الهواء ومايل مو جالس مستوي ويد ماسك بها الكرسي ويد رفعها فوق في الهواء
ويطالع في الشايب بذهول وبدون اي ردة فعل
من قوة الصدمه اللي جته
حتى الدمعه مانزلت منه
والله مالومهم وربي جاهم صدمه قويه
انهااااااارت اعصابههم وجلسو بكاااء وصياااح
طلعنا وصلنا للباب
وقال زوجي
يووه لايكون هذا خويي لاني شفت خويي ومعه امه وابوه
قال بروح اتطمن واجي
قلت خذني معاك مره وحده ونطلع مع الباب الثاني
ورحنا ووقف زوجي من بعيد ويطالع الادمي
ويتاكد فيه قال يشبهه بس مو هوه
يقول قلبي وقف على بالي خويي وامه
وطلعنا وركبنا السياره
ولا انا ولا زوجي ودنا نتكلم زوجي حزن مره عليهم
انا ماقدرت اتحمل قعدت ابكي
يابنااااااااا اوول مرره يمر عليه موقف زي كذا
ماقد شفت بحياتي نفس هذا الموقف
ماقد شفت رجال منهارين ويبكون
اللي حزنني الشايب والله ماحب اشوف دمعة شايب
اووووه ياقلبي
والشاب كان في حاله مايعلم فيها الا الله
انا من النوع اللي يتاثر باي موقف مولم
لاكن ذا الموقف اثر فيني بزيااااده لاني اول مره اشوفه
عادة لما انام خلاص انسى الموقف اليوم الثاني
لاكن ذحين لي يومين مانسيته وعيا يروح من بالي
متاثره مررره كثير باللي شفته😞😞
يارب ان كان ماحزنهم سببه وفاه ف الله يرحم ميتهم ويغفرله ويرزقه الفردوس الاعلى
وان كان مرض الم بعزيز عليهم ف ارفع عنه يالله واشفي مريضهم
انا لله وانا اليه راجعون
والله اني ادعي لهم واترحم عليهم بس عيو يطلعون من خاطري