موقف مؤثر صار لك بطفولتك

اهلين بنات كيفكم

انا دايم يطري في بالي هالموضوع ومدري وين اكتبه انا بالنسبة لي شايفة انسب مكان له هنا عاد المشرفات بكيفهم يحطونه باللي يبون>>>مطيييييييييعة مررررررررة :27:


المهم ابي نقول مواقف حصلت لنا ايام طفولتنا ولاقدرنا ننساها حتى لما كبرنا ولهينا بحياتنا

وانا ببدا بنفسي

صار لي مواقف بطفولتي بس الموقف اللي مازلت اتذكره دايم بأي وقت بدون حتى طاري موقف صار لي لما كان عندي ست سنوات تقريبا

اتذكر واحد نعرفه من بعيد هم ساكنين جنبنا المهم اشوفه يسحب امه ويطردها من البيت يقول اطلعي عني وعن خواتي وكانوا الناس مجتمعين وينصحونه ويمسكونه هو الموقف كان مرة يقطع القلب المهم لين جاء اخوها واخذها عندها علما ان اهل امه كانوا بالجنوب وراحت لاهلها ولا عاد شافت بناتها لين كبروا وتزوجوا

انا ضاق صدري مرة وانا بهالسن المهم رحت لبيتنا وحكيت لامي السالفة وامي كانت على سجادتها تقرا المهم صاحت امي وقعدت تدعي انا وقتها مافهمت وش تدعي بس لما كبرت فهمت السالفة كلها وليش الولد كان كدا مع امه وفهمت ان امي تدعي ان الله مايطيحها مطيح هالحرمة وياخذ بيدها وينصرها ويسخرلها من عنده

يعني يابنات حتى وانا بهالسن والسالفة لها سنييييييييييين وكبرت وتزوجت بس هالموقف مرة مأثر فيني ويضيق صدري لما اتذكره واحقد على هالرجال الى اليوم مع انه الحمدلله رب العالمين الله لايبلانا كبر وتزوج وصار عنده فلوس طبعا مو حقته ورث خواته ومهورهن الحمدلله خسر تجارته فجأه حتى بيته باعة وانسجن وصار متمرط بالايجارات ولا وظيفة ولا دخل ثابت ولا شي بعد العز اللي كان فيه وانا متأكدة مليون بالميةان هذي حوبة امه


عاد بعد موقفي انتظر مواقفكم لاتبخلون علي باي موقف ابي اشوف هي حالة نفسية عندي جتني والا عادي اي احد يعلق بذاكرته موقف معين