مخدهـ :

بما ان الموضوع واقف حابه اضيف مواقف غير عن اللي كتبته .. شيء حابه اذكره وودي وامنيتي من كل ام واب انهم مايربون عيالهم على انه اصحاب البشره السوداء ماهم اوادم او انهم ناس مالهم احترام .. والله اللي صارلي شيء للحين اتذكره واتضايق كثير وسبحان الله الله دوّر الدنيا والتقيت فيها .. الموقف ومافيه انه كانت قريبه لنا من بعيـد كانت بشرتها سوداء وانا ابوي كرهني في اصحاب هذا اللون يعني عقدني منهم كل شيء شين حطه فيهم كانهم ماهم اوادم .. المهم رسخت هالفكره براسي وكانوا هالاقارب يجونا زياره تعرفون .. انا اخذ بنات خالتي واقولهم لاتلعبون معها ( اللي بشرتها سوداء ) وهي مسكينه تطالع فينا من بعيد وتحزن حنا نلعب ومبسوطين وهي تتفرج فينا كنت اكرها ليش والله مو ذنبي .. المهم دارت الدنيا وكبرنا وصدفه شفتها بزياره البنت كلها ثقه بنفسها وتتكلم مع الناس وهي مبسوطه وانا العكس منحرجه ومو واثقه بنفسي واستحي .. (هالموقف حيل ماثر فيني يعني سبحان الله دايم اتذكره واتضايق من نظريتي وانا طفله) // نجي لمواقف التحرش انصحكم يامهات لاتثقون باقرب قريب ولاتقولون هذا محرم والا شيء حنا بزمن الفتنه وماحد يأمن على نفسه تصدقون انا زوج خالتي دايم يتحرش فيني يوم كنت طفله وماراح تصدقون لو قلت للان ..!! طبعا بالنظرات الان لاني كبرت وصرت اتغطى .. اتذكر يوم كنت صغيره كنت العب مع بنته كانت بعمري بعدين كانت فيه لعبه فوق الدولاب ماحنا قادرين نجيبها نادته بنته عشان يجيبها قالي تعالي يامخده انا ارفعك وانتي جيبيها ويوم رفعني كا يلمسني تخيلوا قدام بنته !!! ومره سهرت انا واخوي عند عيالهم بنته وولده كانوا ياعمارنا يعني على 10 سنوات كذا .. انا رحت ابجيبلي مويه من المطبخ ويوم جيت ارجع الا القاه بوجهي قالي كلام مراهقين وقتها كنت صغيره بس مستحيل انسى يوم لمسني وقالي ذاك الكلام ....! وياليته استحى على وجهه واستحى مني لا الحين اذا رحنا لهم زياره ورحت اقعد مع بنته الا يجي ويشوفني يسوي كانه داخل بالغلط والا يوقف عند اخر الباب يعني بعيد عشان يتشاوفني .. حسبي الله عليه واحب انبه الامهات بعد على بناتهم في الاسواق تكفون لاتخلونهم واذا دخلتوا محلات لاتتركونهم يدخلون لحالهم امسكوا يدينهم هالكلام ماجا من فراغ ونصيحه اخويه لكم ... :26:

بما ان الموضوع واقف حابه اضيف مواقف غير عن اللي كتبته .. شيء حابه اذكره وودي وامنيتي من كل ام...