موقف مانسيته ولا بنساه 😔

السلام عليكم جميعا
امس وانا كنت اتابع برنامج الثامنه بالصدفه المهم جاء مقطع معلم تحغيظ القران ومعلم المدرسه اللي يضربون الطلاب
سبحان الله مايخافوون من ربهم
على بالهم الطفل بيكبر وينسى لا والله بيكبر وكل ماكبر زاد حقده وحب الانتقام من اللي ضربه او اعتدى عليه حسبنا الله ونعم الوكيل

وانا اتابع الثامنه تذكرت موقف وانا سنه رابعه ابتدائي كانت عندنا أبلى شديده جدا جدا والله ماضرتني لاني كنت الحمدلله متفوقه بس كنت اكرهها لقسوتها على صديقاتي ولانها ادخلت الرعب في قلبي
حتى والله اسمها ماانساه
المهم كانت تدرسنا ووحده من البنات ماجابت الواجب حقها ايش سوت اخذت المسطره الخشبيه البنيه اكيد تعرفونها وضربت زميلتي ام عشر سنوات ضربتها وضربتها اليييين انكسرت المسطره في يدها تتوقعون وقفت يوم كسرت المسطره لا
اخذت الجزء المكسور ورجعت تضربها والله ماانسى كيف بكينا ونغطي على عييننا واذننا عشان مانسمع صوت الضرب
يالله ايش سوت البنت عشان تضربينها كل هذا الضرب فرضا كانت كسلانه وماحلت ولا واجب طوال السنه مو كذا نعلمها كيف تحل الواجب وتتشجع للدراسه
الموقف والله دايما اتذكره ولاانسى حتى مكان الفصل ولا انسى حتى والله لبسها المدرسه ولا انسى كل تفاصيل ذاك اليوم الكريه
الضرب ماجاء عليا
جاء لزميلتي لكن للحين مانسيته كيف بالبنت مسكينه
يامعلمات اتقوا الله في بنات المسلميين
والله هذي المعلمه للحين اكرهها مااحبها جننتنا من الخوف والرهبه
علما وربي كنت متفوووقه ومن الاوائل ولكن كنت اكره هذي المعلمه واكره حصتها

الله اعلم عن حالها الان لكن جد جد بعض المعلمات قلوبهم اقسى من الحجر