اللهم صل على محمد

السلام عليكم ورحمة الله وبركاته ا
كثير المواقف المفرحه والمحزنه وغيره وغيره
هذا الموقف ما انساه بالرغغم مر عليه اكثر من 13 سنه
ايام عيد الفطر بالبرد جت اختي التزوجه بعد ماصلت
العيد بالحرم وتعايدنا فجاءه انجرت بكاء تجمعنا حولها
بالقوه عرفنا منها لما كانت جالسه بالحرم تقول الدنيا عيد
وقدامي بنت لابسه فستان روعه وجت بنت بعمرها قرويه
ملابسها قديمه قاعده تقول لامها ابي زي هاذي وامها منحرجه
تسحب فيها والبنت مصره والام تسحب فيها اخر شي تقول اختي قدامنا
قاعده تضرب بالبنت وتبكي بكاء العاجز والبنت تبكي اه اه الى الان مانسيت قصتهم وابكي
لما احكيها لاحد
بنات تذكروا ملابسك القديمه جديده عند الفقراء

تسلمين صاحبة الموضوع
انا عندي موقف لي ولزميلتي
موقفي الاول لولدي الله يبلغني فيه ويخليه لي لما ولدتها كان خداج بالسابع المهم ويجلس بالحضانه شهر وطلع ورحت بيت اهلي ارتاح عندهم كم يوم المهم هو كان يشرق ينكتم نفسه بسم الله عليه ويقوم يشهق ويقلب وجهه اسود اول مره صارت له هالحاله كنت جالسه مع امي وابوي ويوم صارت له كنت بنجن الله يثبتنا عند المصايب واقوم انط مكاني واصيح وابكي وهو في يد امي وابوي المهم امي وهو بيدها تحاول تسوي شي كانت تقولي اذكري ربك اذا راح فهو فرط لك ان شاء الله وانا هنا انجنيت احسبها تقول انه راح فرط يالله موقف ماانساه مرت في بالي هذيك اللحظه تخيلات انه خلاص بفقده وعزا وشوي الا تقول امي الحمد لله طيب طيب يابنتي يارب ياهذيك الفرحه لو اموت ماانساها يارب ارزقني واياكم فرحه نسجد لله من الفرحه ومره ثانيه بعدها باسبوع او اكثر صارت له نفس الحاله وكنت اخر الليل واهلي نايمين وانا بغرفتي لوحدي قمت وقفت ورفعته فوق للسماء وقعدت اقول الله اكبر واذكر ربي شوي الا تنفس الحمد لله
احمد ربي انه ماصار الموقف اول مره وانا لوحدي يوم صار مره ثانيه وانا لحالي كنت اقوى واذكر ربي
يارب تحفظ لي عيالي وتفرحني بهم ولاتفجعنا بغالي:hearts:

الموقف الثاني لزميلتي الله يسعدها يارب
مره ضاع اخوها الله يحفظه لهم وقعدو يدورون له يوم كامل يوم يئسو من انهم يلقونه كان زمان
قام ابوهم خلاص بنى خيمة العزاء الا في الاخير طالع نايم بكبت قديم بالمستودع وطول النومه وتقول الحمد لله يافرحه فرحناها وانقلبت الخيمه حطو عشاء وعزمو الناس ووناسه سبحان مغير الحال

رفع