روحــ لك ـــي :

أختي في حقيقة مره!! وجداً مره انه الرجل لو بوده وهواه!! تزوج أكثر من وحده وبجميع الأشكال والألوان والأطوال والأعراض، يعني احنا كنساء ودنا الريال يشوفنا مافي احلى مننا ونغنيه عن كل الأشكال الثانية!! لكن الريال لو يحب السمر !! ويموت في السمر وتزوج سمرا!! بيظل في خاطره لو جرب البيضا (كزوجه) احنا طريقة تفكيرنا تختلف، مانقدر نفكر إلا بزوج واحد أو خلينا نقول ما نقدر نتخيل أنفسنا مع غير أزواجنا!! وهذا فضل من رب العالمين علينا. احنا نحس انه شذوذ، لأنه بكل بساطة مايتفق مع معاييرنا احنا وطريقة عاطفتنا وتفكيرنا!! لكن بالنسبه لهم أسلوبهم يختلف وطريقة حبهم للأشياء تختلف فما نقدر ننتقد أو ننقرف أو نستاء من قناعاتهم!! لازم نحترمها. وهي انجرحت من واقع انها امرأه وماتحب زوجها انه يتخيل نفسه حتى لو معاها مع غيرها. شوفي زوجها كان معاها، وهي حسسته انه مع غيرها!! بصراحه هي قدرت توصل لنقطة زوجات وايد ما قدروا يوصلون لها. انها فعلاً تحسسه انه تزوج أكثر من وحده في وحده. الرجل يحب يجرب كل شي جديد!! وهي وفرت له هالشي، خليها تنسى الجرح وتتذكر انه بالرغم من كرهها للموقف لكن كان في طرف ثاني واللي هو زوجها!! وقرة عينها حس بارتياح كبير وتجديد بمعنى الكلمة. أحيان لازم تصير في تضحيات، يعني أنا زوجي يضحي مثلاً بإجازاته أو عروض انه يسافر مع ربعه عشان رضاي أو عشان ما يزعلني!!! هو ترك شي مهم عشان خاطري. هذي تضحيه في سبيل؟ لذلك صعب نقولها انتي لاتتضايقين/ لكن عزي نفسج انه هذي كانت في سبيل انسان عزيز عليج ويستاهل منج هالتضحيه، وحذاري انها تلومه او تسأله وهي متضايقه، لأنه بيكبت بعدين ومابيقول اللي في خاطره. ممكن تقولها له بأسلوب دلع مثل ما قالت وحده من الأخوات,, ممكن تقوله تصدق حسيت بغيره مع انك معاي، بالرغم من انه بيعتبرها مب صاحيه!! بس عشان تكون فرغت لكن خليها تتذكر انه طريقة تفكير الريايل تختلف وكل تفسير صادق بتسمعه منه بيجرحها أكثر. بس تتذكر انه أقلها صادق معاها ويعبر على راحته معناها فعلاً هي كاسبته . وهذا شي وايد زوجات تفتقر له.

أختي في حقيقة مره!! وجداً مره انه الرجل لو بوده وهواه!! تزوج أكثر من وحده وبجميع الأشكال...