هههههههههههههههههههههه

بجد مسكين حرام عليك اللي سويتيه فيه

على الاقل انتظري لحد مايخلص العيد

ننتظر المواقف الجديدة

مرحبا بالجميع

موقف صعب جدا جدا علي

شوفو الموقف وحكموا انتم

في صباح يوم العيد :41:قلت يابنت قومي بارك لخوالك بالعيد ورفعت السماعة

وقلت الو الو:27:
ردي علي صوت واحد لسه صاحي من النوم !!! حسبته ولد خالتي صار لي سنتين من يوم تغطيت عنه

قلت السلام .......... ؟؟:27:

قال من ؟؟


قلت وين النسوان !



قال من معي ؟؟ فلانه ؟


قلت نعم من ؟؟:(


قال معك حمد:11:

ظنيت انه ولد خالتي قلت حمد كيف حالك اعطني خالتي (( استحيت منه )):32:

قال: فلانه انت ماعرفتيني ؟:44:

قلت الا انت حمد (( احسب انه ولد خالتي )):23:

قال نعم

قلت طيب وين خالتي

قال فلانه وراك ما تسلمين علي !!

قلت (( الولد مهوب صاحي ليكون المسكين معجب )) :32:

قلت له : ياحمد انا سلمت عليك :44:


قال وهذا تحسبينه سلام :06:


قلت (( ياويلي مهوب صاحي )) :o حمد كيف حالك وشلونك عساك طيب :42:

بس ياحمد خلاص انت الان كبرت :23:وصرت رجال ماشاء الله عليك ويكفي اني اقول لك السلام




قال : فلانه ما انت صاحية اكيد ما انت صاحي :(


قلت في خاطري ياويلي اثرة المسكين حنون :o



قال: فلانه انا ( خالك ) يامال الوجع ؟؟؟؟:19:


كانت الصاعقة لان( خالي ) نفس اسم ولد خالتي حمد :32:!!!لكن نغير صوته لانه نايم ؟

قلت: ( خالي ) هاه هاه ادري انك خالي لكن صوتك متغير علي وما عرفت اكمل ولا اعتذر ولا حتى اقوله انا كنت امزح معك

سلمت عليه وانا قلبي يرجف من الفضيحة وقلت له خلاص ماابي النسوان مايستهلون اللي يكلمهم (( وش ذنبهم ):11:) وباي








وجلست اسبوع ما شفت خالي ولا كلمته ولا سلمت عليه والسبب الوقف السخيف



هاه وش رأيكم بالموقف ؟








موتر جدي

مســــــاء الفل والورد لا حلى البنات أنا مبسوطة كثير اني شاركتكم في هذا المنتدى الأكثر من رائع كل مأروح أي قسم ألاقية حلو جايبه لكم معي احلى موقف مر بحياتي وأصعبها حتى أني اتمنيت الأرض تنشق وتبلعني حدث هذا عندما كنت أدرس في أحدى المعاهد طلبت من أبوي أن يطلع لي شريحة جوال وذلك للضرورة لأن كنت أتأخر وما أقدر أتصل على جوال من المعهد المهم جاني الجوال وكانت الشريحة بأرقام محددة "عائلي" والمعهد سمعته مايحتاج من كثر سرقات الجولات !!وعلشان أني حريصة ماقلت لزميلاتي أني معي جوال وأول مأخذت الجوال للمعهد حولتة للصامت وأخترت الوضع هزاز لاحظو هزاز !!وحطيته تحت البلوزة ومر اليوم عادي ولما جاء وقت الخروج وهو أول يوم يكون معي الجوال كنت جالسة ماعندي من الشيطان طريق أنا وكل زميلاتي وبعض البنات اللي ما أعرفهم, جاتني بنت وسألتني إذا كان معي جوال أو لا؟؟!!!وكنت ماحب اللف والدوران حلوة لف ودوران قلت لها لا؟!أنا ما كان قصدي أكذب بس لو قلت أيوة راح تقول أعطيني أياه وراح أقول لها أنه عائلي !!سالفة فأختصرت الموضوع وقلت لا :23:والله لايوريكم الساعة اللي مريت بها بعد ما قلت لها لا!!بدقيقة حسيت بشيء يمشيء على بطني كأنة خرشفة صرصور أو حشرة ياسلام:o ويله هات صراخ ومناقز وصياح مابقي الأ أخلع البلوزة !!!!تخيلو والبنات مندهشين مايدرون وش السالفة ويقولون فلانة وش فيك وأنا أصارخ مابقى أحد وما ألتفت علي ويتفرج وفجأة رفعت البلوزة وأذكرت أني معي جوال على وضع الهزاز!!!يالله موقف لأحسد عليه بعد كل الصراخ والصياح وقفت زي الصنم وجهي أحمر وقلبي يدق بسرعة المشلكة البنت اللي سألت واقفة شوي شوي ولبست العباية وطلعت برى وأتاري أبوي معصب:23: ويقول ليش ماتردي على الجوال ماتسمعي وأنا أغلي من داخلي ومن يومها ماكملت دراسة والله متفشله مالي وجة أقابل البنات أه كلما أذكر الموقف كأن ماء حار ومكنبة علي :44: من هذا الموقف سيكون لكم مرجعا عندما تفكرون تكذبون لأن حبل الكذب قصير وتسلمون لمحبتكم دائما

صحيح أنو موقفك جدا جدا صعب،لكن مافي أبدا مبرر أنك ما تكملي دراستك!!

أنا ياريت لقيتلي جامعة مش مختلطة أكمل فيها دراستي اللي ضاعت..آآآه،الحمد لله على كل حال..
لكن تدرون يابنات،لو أنا كملت الطب،ماكنت شفتكم ولا تعرفت عليكم ولا عرفت هاذي الأخوة الطيبة في الله عز وجل أبدا....

الحمد لله،راح شي،وبقى أحلى شي!

الحب في الله يا أخواتي ماله مثيل،واسألوني أنا!:24:

:26: