موقف مستحيل انساه كيف اتصرف

بنات لي يومين مقهوره وابكي وربي اني
لو اعرف اسمه لاقدم فيه شكوى
بتكلم لكم ببدايه الموقف وانتم احكمو
وصلنا من تركيا لمطار القصيم بالليل
جينا بننتظر الشنط جاء واحد قال خلاص
الحريم يجون يفتشون رحنا نفتش ع اساس اخوي اللي
بالثانوي بيجيب الشنط
طلعنا لعد التفتيش وحصلنا اخوي طالع
مامعه الا شنطته وشنطة امي يقول على بالي
اخذتو شناطكم!!
انا عصبت وامي معصبه والسواق ساعه يتنظر
لاحظو
اللي من القصيم بتعرف كيف شكل مطارهم
جدا جدا صغير يعني ادخل مع الباب
قدامي سير الشنط
دخلت مع الباب الدي يفتح زي بوابة بنده وكذا
شفت فيه سعودي جالس بس ماقالي شي وانا اتقدم
لاحظو السير مليان ناس
السعودين مليانين عند شنط التفتيش
الموظفين مليان
عند سير الشنط وانا اتقدم مادريت الا وراي واحد
باعلى صوته يصرخ اقسم بالله كاني ايش
ماقدر اوصف لكم
يصارخ بعصبيه وباقي شوي ويضربني
ويقولي قدام الكل وين وين داخله انتي نعم؟؟
انا خلقه استحي اتكلم مع رجل فكيف هذا اللي
جالس ينفخ ويهزاء فيني قدام الخلق
قلت ماعليش ناسين شنطه
والله بالموت اتكلم لدرجه صرت اتاتا !!
من التوتر واموقف المحرج الحريم يتفرجون علي
الرجال كلهم والموظفين نظراتهم علي
وانا اقول ليش ممنوع لان وولله ولا واحد تكلم علي
من الجالسين ولا قالو وش مدخلك وقدامي السير
اصلا قدام عيونهم !!
قالي بصراخ ونرفزه وش اللي ممنوع
وش تبين داخله
قلت ناسين شنطه
وكان معي واحد مسكين هندي يدف العربيه اللس
باخذ الشنطه تخيلو دف العربيه باقوى ماعنده كانه
يرميها ويطرد الهندي يقول يالله انت بعد برا
وياشر على اصحابه قدامي يقول هذي لاتطلع
لما تفتشونها من جديد!!
الموقف يابنات ماتتخيلون كيف محرج
خاصه اذا ماكان لك لسان تدافعي عن نفسك
واذا كان الي قدامك رجال ووقح باسلوبه
وفضحك قدام الموظفين المسافرين وكلن يشوفك
والله اني ركبت السياره وانا ابكي من الاحراج
والموقف البايخ امي جلست تهاوش تقول كان جبتي اسمع
والله لانقدم شكوى اللي كذا وقح بتعامله
قسم انقهرت اني ماعرف اسمه ولا شي
غير انه انسان وقح تلفظ علي وباسلوبه بابشع شي
والله ان فيه سعودي جالس موظف جنب الشنط
واضح شكله عصب من اسلوب هالشخص لاني
شفته يلتفت ع خويه ويقول ماله داعي صراحه مهما
كان هاذي بنت والله يمكن تحسون الموقف عادي
لكن لو انحطيتو بوضعي بتشوفونه شي ثاني
انا مو بس انحرجت
انا ماعرفت ارد من وقاحته
شفتو البزر لما تصرخي عليه وتخوفيه
ولا يقدر يتكلم قسم بالله صرت كذا
اتعب وانا اقول موقف استغفر الله بس
خالاتي لما علمتهم كلهم قالو اشتكي جيبي اسمه
كلمي المطار هذا حرام فيه الوظيفه اللي يهين
ويستقوي على حرمه وعلى هندي ضعيف مسكين
زين ماضرب العامل لانه رفس العربيه بقوه وابعدها
وقاله يالله انت برا بعد وش جابك قسم رحمت الضعيف انا