ههههههههههههههههههههه:hahaha:
مساكم خير يابنات
حصلي اليوم موقف توحفه
حبيت اغير جوكم واضحكم معايا
قبل شهر تقريبا جمعت
البزوره وجبنا قوارير المويه
الفاضيه وقصيناها بالنص
وعبيناها مويه للعصافير
وخرجنا حوالين البيت وزعناها
والباقي حطيتها في شبابيك
البيت وشباك الصالون مره كبير
وقريب للارض وحطيت فيه 3
وطبعا الصغار يحطو معايا
واتاري الصغير اخر العنقود غار من
العصافير ليش نهتم فيهم
وكان كاتم ف نفسو :hahaha:
مالاحظت دا الشي
وكالعاده كل يومين اشيك على المويه
اخاف تكون انكبت او جاتها حشرات
المهم كل ماشيكت الاقيها
تمام حتى ماتنقص الا شي قليل
قولت كويس الامن مستتب
واليوم كنت اصلي والصغير
جلس يبكي واخوه الكبير قال
اشغلو عن ماما الين تصلي
وراح فكلو الشباك حق الصالون
وراح عنو على براعم ونسي امرو
سلمت والتفتت لقيت الصغير
يشرب المويه خلص واحد
وماسك التاني ومخلص نصو
ويبتسملي وانا:06:
بصراحه ماعرفت اتصرف
ايش اسوي اصرخ ماينفع
ابكي ماينفع
اخاصمو ماينفع مايفهم مو هوه السبب
وفرحان يقولي ماما خلصت المويه
شوفي بطني كيف كبرت
يله اديني اللعبه الي في النت
عبالو مسوي انجاز
استودعتو الله وسكتت
اولا ايش رايكم بالموقف
تانيا هل شرب موية العصافير يضر!!
ترى مو بس عصافير تعرفو جده
كلها حشرات بعوض ووزغ وياما
طفشوني ع الشباك 24 ساعه اشوفهم برى
يمشو ع الجدران:06::06::06::06::06:
のrosyの @rosy_4
محررة
يلزم عليك تسجيل الدخول أولًا لكتابة تعليق.
ههههههههههه
الله يخفظه لك
حاولي مايشربها ثاني مره لان مثل ماقلتي ممكن تتلوث من الحشرات اوغير
بعدين اسم الله عليه كيف يشربها وهي حاره الجو حر الايام ذي
الله يجعله قره عين لكي:26:
الله يخفظه لك
حاولي مايشربها ثاني مره لان مثل ماقلتي ممكن تتلوث من الحشرات اوغير
بعدين اسم الله عليه كيف يشربها وهي حاره الجو حر الايام ذي
الله يجعله قره عين لكي:26:
الله يحفظه
استودعيه الله وحصنيه ,,وإذا قدرتي تهرسيله حبة ثومه مع الزبادي عشان مايجيه نزله معوية لا قدر الله
الصفحة الأخيرة
الاقربون اولى من العصافير
خخخخخخخخ ان شاء الله مافيه الا العافيه لاتوسوسين بس كثري له مويه بس
مو مويه عصافير هالمره