موقف مع حماتي

امس كنت عند حماتي بزيارة وهي عمرها فوق السبعين الله يعطيها طول العمر والصحة
المهم قلت لها نطلع نتمشى انا وانتي
قالت لا والله انا تعبانة
طبعا كالعادة بديت اطقطق عليها بسماجة واقولها ياحماتي لسا شباب ولسا صبية ومن هالكلام وهي تناظرني
بعدين قالت لي فلانة انتي قاعدة تتمسخرين علي لاني عجوز صح ؟
وانا سكتت مارضيت ارد وحسيت اني سخيفة وتفشلت
لحد ماقالتلي
انا من قبل سنين طويلة كثير وكنت بعز جمالي وانوثتي مثلك وكنت كذا مثلك كل ما اشوف وحدة كبيرة بالعمر اطقطق عليها وامسخر معاها
وهذي اليوم سبحان الله انتي جيتي بعد هالسنين الطويلة تردي الدين لي وبنفس اسلوبي لي كنت امسخر فيه ذيك الايام
احسها زعلت او انكسرت نفسيتها بس بعد هالموقف هذا صرفت نفسي ب اي حاجة ومشيت من بيت اهل زوجي
مدري شعوري متلخبط من ومو فاهمة ايش اقول
بس جاى ببالي هذا الموضوع
يعني معقولة ان الله مانسى لها مواقفها لي صار عليها اكثر من ٤٠ سنة وبعت لها وحدة تسوي فيها نفس لي كانت تسويه مع العجايز ذيك الايام
هذا مجرد مسخرة بس وكيف لي يظلم ويبطش ويفتري ويقذف