يا اختي ف هادا الوقت مافي احسن من الرسميه مع كل الناس
تريحي راسك وترتاحي
والله يريح لك قلبك ياارب

مشكورين كلكم يا اخواتي وما قصرتوا.

اللي قالوا لي روحي زوريهم هم ما يبغو ااحد يزورهم والسنة اللي فاتت ما قدرت اروح جده فقلت لهم ايش رايكم نتعيد مع بعض ؟قالوا طيب .قلت خلاص اجي عندكم في الليل وفعلا صرفت اولادي عشان ما يثقلوا عليهم ولما دقيت عليها ما ردت علي لا على جوالها ولا بيتها وكمان اخويه نفس الشي ومن بكره قالوا ما درينا عنك!!

اخويه انا اشوفوا عند اهلي لما ييجوا بسسس. من تزوج ماصار يجي ليه الا لما زوجته تجي معاه بنداء رسمي مني .

وعمرهم ما قالوا تعالي ومرة قلت باجيكم قالوا لا والله لا تجين!! هم قالوها وهم يضحكوا لكن ما تراجعوا عنها وما قالوا نمزح ابدا قال اخويه تبغي تجي ملزمة جيبي معاكي قهوتك وشاهيك زوجتي ماهي مسويه لأحد حاجة!

زي ما قلت لكم انا ماهمني والله بيتهم ولا روحته كلامي بس رد على اللي قالوا روحي.

وانا ناوية ما اقطع فيهم ابدا بس على خفيف وبوجود اهلي وحشيل الابتسامة البلهاء اللي ارسمها على وجهي وما ناوية اسولف معاها نهائي غير السلام عليكم وعليكم السلام.

اتصدقين كانك تتكلمي عني
انا اخت زوجي اهي الي تسأل عني انا وزوجي وتهتم فينا
بسسسسس والله مو غروررر انا حساسة جدا وهادية وخجولة بنفس الوقت بسس اهي متفهمة الموضوع
والله لا يفرق شملنا
يمكن زوجة اخوك مثلي:42:يعني قلبة ابيض بس خجولة وحساسة:26:

يمكن ماتكون قاصدة بس يمكن تكون بلها وبليدة
والدليل انها جابتلك هدية يوم حست انك زعلتي ترى فية ناس كذا ياليت حمات اختي تحس على دمها زي حماتك اهم شي اخوك لا تخسريه لان الاخو غالي

واذا كان مايبك تجين البيت لاتروحين يمة وخليكي على التلفون كل مدةولا تعزمينهم عندك ابد وخليكي رسمية لين يبان السبب يمكن احد موقع بينكم ونتي منتي دارية ويمكن اخوكي وزوجتة طبعهم كذا لاكن ماقلتي اهم كذا مع الكل ولا بس معاكي انتي
والله يصلح الحال

الله يعينا على الدنيا بخير مرت الولد بذا الزمن ازمة لكل بنت متزوجة او لا
اهم شي قاعدة عامة خلي علاقتك مع كل حريم اخوانك رسمية كلها احترام متبادل ولاتمونين زيادة معهم امكن يصير لك مثل موقفك مع هاذي او الي تنقل كلام والي تشيش وغيره وبالاخير امكن تأثر المشكلة بعلاقه مع اخوك وتندمي
ومرت اخوك هاذي استمري برسميتك معها بدون عداوة لكن انتي غلطانه المفروض خذتي الهدية وشكرتيها باسلوب عادي بدون مبالغة مع سؤال وش المناسبة ؟
والعلاقه رسمية مو معني انك تاخذي الهدية يعني ترجعين معه مثل اول لا ...