موقف مع زوجه اخوي وش اسوي

كيفكم يابنات والله من البارحه مانمت من القهر الي فيني
انا البارح رحت لبيت اخوي عشان اقعد مع زوجته وكنت مكلمه وحده من البنات قبل لا اروح لهم وقالت حياك ياعمه المهم رحت الساعه 8 وجلست لين 10 جو البنات واخوي جلسو معاي وزوجه اخوي ولا عبرتني واسمع صوتها داخل البيت تصارخ علي ولدها الصغير طبعا اخوي مره كان منحرج بس ماسالت عنها عشان لا احرجه زياده وكنت جايبه لها هدايا واغراض والله ماتستاهل
السالفه ومافيها انه كل شي تمام بس هي زعلت علي سخافه اني سويت قروب في صاحباتي فقط و2 من بنات اخوي وبما انه وحده من صاحباتي قريبه مره اخوي الثانيه قالت ضيفي فلانه واضفت مره اخوي ولما عرفت مره اخوي هذي زعلت وقالت مو عادتني من العايله قلت لها والله مو قروب عائلي واذا تبي بضيفك قالت لا مع اني بعد السالفه شفتها مرتين كنت زايرتها ببيتها بس مع خواتي ممكن جات وجاملت وقعدت معانا عشان خواتي والا هي ماشكلها تبيني ولا معبرتني من الموقف الي صار مبارح
انصحوني وش اسوي هل اطنشها او ماعاد ازورهم ابد او وش اسوي صراحه اسلوبها مره تعبني وحطيت بخاطري منها تزعل علي سخافات طبعا الي بيني وبينها مو ماثر ابد لا علي علاقه اخوي معاي ولا عياله كلهم عسل معاااي بس هي شكلها زعلانه ابي نصيحتكم كيف اتصرف للمعلوميه هي حرمه كبيره مو صغيره وبناتها بسن زواج وانا محترمتها ومقدرتها فقط لخاطر عيون اخوي
ياريت ماتطنشون موضوعي ولا تنسون تدعو لي بالفرج والذريه الصالحه يابنات وربي ضايق خلقي مره من الي صار اصعب شي تروحي بيت وصاحبته ماتستقبلك