موقف من سنوات مازال في ذهنى

السلام عليكم

كيفكم بنات عالم حواء

انا في خاطري موقف حصل من زمان تقريبا 9 سنوات لكنى للحين اتذكره واتضايق مره لما اتذكره لدرجه ودي اموت ولاصار هالموقف

مره كنت في الحرم المكى وجت بجنبي حرمه مع اختها وولدها

انا عطيتها مطويات كانت معاي ولحد الان حنا حلوين

اقام للصلاه ووقفنا بنصلي انا جيت برجع لوراء ومادريت الا ولدها تحت رجلينى واختل توازنى وطحت وهو طاح بعد :44:

الولد عمره يمكن 3 او 4 سنوات وجلس يبكى طول الصلاه انا وامه تاخرنا ماصلينا وانا احاول اهديه واعطيه حلويات وانا بالاساس اشد منه مفجوعه وجلس يبكي لين استفرغ ( الله يكرمكم)

وانا اتكلم على امه واحاول اعتذر وابين لها انه جاء من وراي وانا ما شفته وهي ساحبه علي

صلينا ورحت لها مره ثانيه وانا شوى وابكى وقلت لها والله مادريت هو جاء من تحت رجولي وهي ماترد علي وقامت وتركتنى :icon33:

يالله ياليت هالموقف ينمحى من ذاكرتى حسيت بالذنب وانا ما اغلطت ورده فعل الامل اشد من ولدها

ومن بعدها وانا احس دايما انى بطيح حتى صار للموقف 9 سنوات ومازال كانه حاصل امس

الله لايعيده من موقف