موقف من يجي 13 سنة ولازال قدام عيوني

السلام عليكم


خواتي صدقوني ماادري وش اقول لكن فيه موقف حصل من حوالي 13 سنة ولازال خانقني مااعرف له تفسير
خواتي انا قبل 14 سنة تزوجت من ولد ناس اقولها بصراحة غير عنا ناس تجار وموسرين ولهم صيت وحنا ناس وسط ولدهم مصلي وخلوق امي كانت فرحانه وانا اصغر بناتها والرجال طار فيني والله المستعان حصلت اشياء بعدين ماودي افصل بالموضوع المهم حملت بعد شهور من الزواج ضيقت علي اختي الكبيرة اللي بيني وبينها 16 سنة اكبر خواتي وكانت هي المتحكم ببيتنا تماما وانا اتوحم اروح لبيت اهلي تعبانة ابي اكل تقول انها كانت تاكل وناظرتها على العشا واوجعتها معدتها ومن هالكلام لحد ماكرهت الروحة لهم وهي كانت ذيك الايام على طول هي وزوجها جالسين ببيت اهلي وجباتهم وكل شي وتروح لبيتها للنوم على تمام السنة تقريبا كانت اختي الكبيرة يوم انولد متزوجة تقريبا لها سنة ماراد لها الله يجيها عيال الله يرزقها وماعمرها فتحت هالموضوع مع احد
كانت تكره ابو بنتي وتطنز فيه وتطنز فيني واذا شافت امي مختبة لجيته تنقهر وتقول الوزير !! مع ان زوجها مركزوظيفي مرموق جدا اقاربنا ومعارفها يتقربون لها عشان مركز زوجها وشي عند اهلي واقاربي وهي معلمة قديمة تدرس قبل لاانولد يعني مهوب ناقصها شي وابو بنتي ثانوي موظف عادي المهم ترادت اموري وانا متزوجة بزواج قصير ماطول كنت ببيت الرجال اصير تعبانة ومصدعة وحلمت مرة بالجن بسم الله الرحمن الرحيم وجاني جاثوم كنت محيوسة ووسوست والاذكار اهملتها والبيت وكل شي بعغد فترة الرجال بسرعة تذمر وطلق والحمدلله
بعد الطلاق سوت بالبداية اللي تفزع معي لان امي انصدمت بالطلاق وانا بعد انصدمت امي تعاملني بقسوة واختي الكبيرة بذاك الوقت فرشت لي الارض ورد انها بتساعدني وتسوي لي واكتشفت بعد سنوات وبنتي برابع ابتدائي تقريباانها خدعتني ولعبت فيني لعبة كبيرة كنت دايم اتطلبها زوجها يتوسط لي بوظيفة وماتستجيب ابد
وفلوس بنتي كنت جامعتهن لبنتي حطيتنهن عندها يوم جينا نسافر والذهب اللي باقي من عرسي بعد فترة سالتها عنهن قالت صرفتهن على بنتك وذهبي اللي باقي من العرس راحت تقول للناس شي ابيعه وشي ابلبسه وصارت تقول للناس اني ماابي العرس سنوات وهي تردد هالكلام وماتبيني اجيب طاري العرس وكانت تقولي تبين تعرسين عشان تمسردين عيال ؟ وتجمع خواتي ببيتها وتطنز فيني وتقولهم بعد تبي تعرس ؟ عشان تعبي بطنه وتطلع ؟
اتكلم وانا موب مصدقة انها سوت فيني كذا احس حلم
لاحول ولاقوة الا بالله وشلون تسلطت علي كذا لعبت فيني زي المصقال وانا كنت تعبانه وظروفي صعبة واكد بالاماكن الخاصة سنوات على راتب 1300 ريال وحياة غرابيل

ومواضيعي منزلتها فيها كثيرة هي ذبحتني وانا كنت احسبها واقفة معي

تبون تقولون وين الموقف الموقف ياخوات اللي ذابحني وقاهرني وانا مالي دخل فيه بعد ماولدت كانت بنتي صغيرة وزنها كيلو وشي لاني تعبت بالوحام ومااشتهي الاكل واختي هذي بيوم شايلة بنتي وانا كنت بالنفاس وماكانت تشيلها الا قليل ناظرتها امي قالت ياليت يجيك لو مثل هالبنية ناظرتها اختي بعين حادة وانا انصعقت من كلام وامي على بنتي ونظرة هذي وعقبها صارت ماتطيق بنتي ورمت علي كلام انه موب من زين بنتي بس طفيل كنت وانا بالنفاس يجي ابو بنتي بالليل جايب عشا لي وله احيانا وتجي تشمشم بعد مايروح يعني دريت جاب لك عشا وكانت تقولي شفت اخته مدرسة قد جتني بمدرستتنا شينة يعني يقالها تكسر مجاديفي خلق الله حسن
وبعدها بسنة وعمر بنتي بالضبط سنة تطلقت واللحين بنتي راحت المتوسط ابوها مايشوقها الا من سنة لسنة والحمدلله على كل حال الموقف قاهرني يعني امي اثارت حقدها علي وبعدين انا وبنتي انحسنا

ماتبي لي بيت مرة اقول ياليت يصير عندي بيت قالت والله طموحك عالي تبين بيت ؟ طموحك عالي ليه مستكثرة علي الله عنده خير وان شاء الله ابتوظف وربي بيرزقني البيت والعيال ربي كريم وغنده خير


استغرب من تسلط الناس علي فترة زواجي على ان خواتي معلمات ومتزوجات وعندهن عيال عيالهم كبار ليش كانت العين علي الله المستعان اللهم لاتسلط علي بذنبي من لايخافك ولايرحمني


مواضيعي اللي كتبت فيها مشكلتي هذي مع اختي وتسلطها علي
http://forum.hawaaworld.com/showthread.php?t=2172827