موقف يحتاج تعليقكمــــ...

رفع

هذي الاشياء من الذوق

اذا كانت الوحده عندها ذوق واحساس بتحس على نفسها بدووووووووون تنبيه



وازيدك بعد فيه حركه تعبر عن قله الذوق وتربينا على انها عيب


انك ماتجلسين قدام وحده وتلقينها قفاك واشوووووووف الكثيييييييييير يسوونها للاسف

لا واذا جاء العشاء يتناقزون البنات قبل الحريم الكبار



موقف حصل لي في الصيفيه:

زوجه خالي حرمه كبيره والبيت مليان ناس وعند اهلي عشاء ..احنا حاطين سفره للي اعمارهم من 15 وتحت ..والسفر الكبار للحريم الكبار ..والله العظيم ان امهات البنات اول مانادوا للعشاء يغمزون لبناتهم قومو بسرعه وكل بنت مع امها وبعضهم عندها اربع بنات في الابتدائي..

والحريم العجايز تأخروا شوي مستحيين من بعض


زوجه خالي انقهرت يوم شفتها ماهي على العشاء واروح اناديها واسحبها لسفرة الحريم ..واوقف قدام الحريم واقول تفضلي مع ان مافيه مكان قلت الله يسعد البنات الصغار روحو السفره الثانيه فاضيه كلهم يطالعون فيني حتى امهاتهم ولا وحده استحت وقالت لبنتها قومي


عاد احراج رجعت زوجه خالي قالت لا عادي بنتظر



اذا الامهات ماعندهم احساس لاتشرهين على البنات

بالفعــــل حسن الخلق والأدب يجب أن ينشأ مع الأبناء من البداية وهنا يأتي دور التربية طبعا
الوالدين هم من عليهم أن يعلموا أبنائهم الأدب وتوقير الكبير واحترام الناس
قال صلى الله عليه وسلم ( ليس منا من لم يرحم صغيرنا ويعرف شرف كبيرنا , وفي رواية ويوقر كبيرنا ) رواه أبو داوود والترمذي وقال حسن صحيح .
إذا بنص الحديث هذه المسألة هي من أخلاقيات الإسلام اللتي يجب أن يتحلى بها كل مسلم ومسلمة وتغرس ي نفوس أبنائنا ,

وللأسف أن هناك من الأمهات من إذا جلست ابنتها الصغيرة بجانبها بدأت تتباهى بفصاحة لسان ابنتها بين النساء والطفلة المسكينة تبدأ بإطلاق العبارات الغير المؤدبة وتتزايد مع ذلك ضحكات أمها ( المغفلة ) وتشجعها وتحرضها بأن تقول لساره : ياحماره ولنورة : انقلعي
وهلم جرا,, فتنشأ هذه الصغيرة على قلة الأدب مع الكبير ولاحقا يصعب علاج هذه المسألة إذا أصبحت الصغيرة في مرحلة جني الثمار


فمــــــــــــــــــاذ سنغرس في نفوس بنــــــــاتنا (وأبنائنا) وعلى أي أخلاقيات سنربيهم؟

فعلا ً اعتبرها قلة أدب من الأم قبل البنت ..

واكثر شي يرفع ضغطي لما تجيك الحرمه صافه بناتها البزارين بمجلس الحريم وتطردين البزارين بطريقة مؤدبه ويرجعون يحوسون الضيافه ويطلعون بدون حتى كلمة من الأم ..:mad:

أو لاقلطوا العشاء اول من ينقز الصغار ولا كلمة من الام .. بس تعالي شوفيها ببيتها ياويل أي بزر يقعد مع الحريم .. ليه ؟!!:angry:

وحركة الكبيرة هي اللي تصب وتقدم والبنات قاعدات ذي بعد ترفع ضغطي مره .. يعني وش قلة هالأدب ووساعة الوجه اللي تخليك تمدين يدك على الفنجال واللي مادته لك وحده كبر امك أو أختك الكبيره ؟!!
يعني لو فيه وحده من بناتها أو اختها او اي قريبه لها من الدرجه الأولى ,, والله ماينشره على البنات الباقيات . لكن لو كانت هي لحالها والبنات جايات ضيوف مع امهاتهن ولاتحركن ذي تعتبر قلة ذوق وعدم تربيه !!

بصراحه المجتمع اللي كذا يرفع ضغطك من اللي تشوفينه .. بس حيائك يمنعك تتكلمين !!

معليش اختي موضوعك جاء على الجرح ..

مشكورة على طرحك الراقي !!:27: