صباااح الخيراات ...مسااااء البركات
اول شي لاتجيني وحده راكبة فيراري وماسكة خط الرياااض بسرعه 300 في الساعه وما تلقط الا كم جملة:biggrinlo
المطلوب
وحده مروووقه تفهم الموضوع بتكامل وتقرا مابين السطور
مو مشكلة بحتريكم تروحون تسوون كافي ,, والا تطلبون من ماااري تجيب لكم عصير نعناع بالليمون
هاه استرخيتوا
اليكم القنبلة >>> :rotaeye:
ماكنكم تبالغون بمعاملة ها الزوج
ماكنكم حاطينة بمكاااان مو طبيعي
ماكنكم تسوون اشياء غير منطقية
ماكنكم تعاملونه كما لوكان شهريار
ماكنكم ترااجعتم للخلف وتركتوا الامام كله له
اخبر الزواج سكن ومودة >> مو اذلال واهانه
اخبر الزواج شراكه وعمار >> مو تسلط وهد
اخبر الزواج حب وتكاتف >> مو مجاملة وتفرد
اخبر الزواج احنا >> مو >>هو
شي بصراحة غريب زمان ممكن ايام سي السيد لان النساء بذاك الزمن اميات خانعات بيئتهم كذا خوافات
الان لا
الان متعلمات واعيات فاهمات عارفه ان لها مثل ماله بس القمهور عاوز كده
وصارت تسوي مثل ها الناس
ابي افهم طيب
وش فيها لا قالت الزوجه لزوجها لاااااااا
وش فيها لا عصبت الزوجه ورفعت صوتها
وش فيها لارفضت
وش فيها لاناقشته
وش فيها اذا قالت له ستوب حدك
وش فيها اذا اقترحت ولزمت
وينا فيه حنا
>>>أمرك ياسي السيد وهي ترتعد
>>>ماشي بأمرك ابن عمي وهي تنتفض
>>>سم أبشر تم يا ابو فلان وهي مشبوكة بخط 220
ليه دراكولا ؟؟؟
ما الومهم والله لا تفرعنوا
قال يافرعون وش فرعنك قال طلعتش فيها ومحدش ردني
" من آياته أن خلق لكم من أنفسكم أزواجاً لتسكنوا إليها وجعل بينكم مودة ورحمة".
ببيت النبوة تخاصم النبي وازواجه لاحظوا نبي مو أي احد نبي ومع كذا هذي زوجته تتهاوش معه تتزاعل تغار >>>بشر ياناس ترانا
ببيوت الصحابة صار كذا وأشد
أحد الصحابه كان يضيق بزوجته جداً ..لأن صوتها عالٍ دوما ..إذا إختلفوا،، فالصحابي من ضيقه ذهب يشتكي الى أمير المؤمنين
سيدنا عمر بن الخطاب فذهب ليطرق الباب فوجد صوت زوجة عمر يعلو على صوت عمر..ويصل الى الشارع فخاب أمله ومضى..وبينما هو ينوي المضي اذا بعمر يفتح الباب..
ويقول له : كأنك جئت لي..
قال: نعم ،جئت أشتكي زوجتي فوجدت عندك مثل ما عندي ..
فأنظرالى رد عمر وعاطفته
يقول' تحملتـني..غسلت ثيابي وبسطت منامي وربت أولادي ونظفت بيتي ،تفعل ذلك ولم يأمرها الله بذلك ،إنما تفعله طواعية وتحملت كل ذلك ،أفلا أتحملها إن رفعت صوتها'
هذا عمر اللي الشيطان يفر من طريقة
يعني بتفهمونا ان رجال الان اصدق ايمانا وقوة من عمر
ماخافت زوجته لانها عارفه حقوقها واللي لها واللي عليها
ليه التزمت
وكلمات مثل \\
وما اقدر اقوله ،، مايرضى ،،عصبي ،،يمد يده
ونسمع تعليقات مثل \\
يا الله الرجال مايحب احد يرفع صوته عليه >>>يعني المراه تحب
الرجال مايحب احد يراده >>>يعني هي عاشقة ها الشي
الرجال ما يرجع في كلمته >> عمر رجع وقال اصابت امراة واخطأعمر
اللي يرددون ها الاشياء من وين استشفوها
هل كاتلوج الانسان الرجل يختلف عن كاتلوج الانسان المراه ؟؟:icon36:
هل رجال العصور السابقة الصحابة والأباطرة ومن اقاموا الدنيا يختلفون بتركيبتهم عن رجال ها العصر؟؟:ohplease:
لا والله
يختلفون عنهم بضعف الايمان والمشي وراء العادات والتربية الغلط ،،
الام اللي تربي ولدها انها رجال وعيب يبكي ،، انه رجال ومايشيل شي ،، الام اللي تربي الخوات انهم يفزون لاخوهم ،، الام اللي عيالها يشوفون شلون تتنافض ان سمعت صوت ابوهم
وش تتوقعون بيطلع
بنات خانعات ورجال مستأسدين
صدق من قال أسد علي وفي الحروب نعامة
الان معصبين مني هاه:icon29:
على رسلكم يا فتيات
انا ما اقول صيروا قليلات ادب
انا ما اقول صيري ند له واقعدي له على الطالعة والنازله
انا ما اقول اربغيه والا اشتميه
اللي اقوله
انكم نسيتوا انفسكم وقمتم تركضون وراء رضاه رضاء الزوج مهم وسبب لدخول الجنه لكن رضا الله اهم ثم نفسي ولا يكلف الله نفسا الا وسعها
الظلم انواع
ظلم النفس وظلم الغير
وانتم تظلمون انفسكم الله معطيكم حقوق وتوازن
الرسول يقول _ النساء شقائق الرجال _
وانتم تقولون لا ذا رجال
يؤ ....يعني تتفضلون
اترك عزة نفسي وحقوقي عشان مجتمع ..ادربي راسي وراه والا اطلع لساني طويل ..ما اغار ولا افتح بوئي عشان مايعرس علي:icon33:
ليه لازم مايدخل البيت الا كل شي يلق ..ليه هو مايساعد على الاقل يخلونها متعة ويغسل بيوم معها الحوش لو ماعندها خادمة او سايق
ليه لازم تكون ام .. وزوجة ..وعشيقه ..وبنت ..وصديقة
وهو بس ظل راجل ولا ظل حيطة:freak6:
الطناش صح ..التغاضي روعه .. التغافل سياده
بس مو على طول الخط
ليه قبل لا تاكل والا تنام والا تسوي أي شي تستاذنه ؟
ليه ما تاكل قبله وتطبخ بس له وعشانه مو عشانها ؟
ليه تخليه يتصرف بالمال بكيفه ؟
ليه ياثث البيت على مزاجه ؟
ليه يعزم ومايشاور؟
ليه يسمي براحته وهي اللي حملت وتعبت ؟
ليه هو يقرر وهي بس تنفذ؟
تدرون نفسيا ان الرجل بداخله يرفض ها الانصياع تدرون ليه فيه رجال يتزوجون .. او من برى يبي وحده تناقشه تلاعبه ترفض ترضى مو دميه
انا ضد التسلط وضد عدم الوفاء بالعهود
لايتسلط عليك ولاتتسلطين عليه:icon31:
ببساطة الزوج والزوجة بمركب واحد اذا كان هو الربان فهي البحار اللي لولاه ما انرفعت اشرعة ولا وقف ها المركب على ميناء
اذا انتم وانتم بنات ترددون ها الحكي وترفعونهم اكثر من اللازم وتدورون بفلك الزوج وش يبي وش يكره وش يحب وش يزعله
اجل كبار السن وش يقولون
اجل الرجال انفسهم وش يسوون
التوازن هو ما انادي فيه يا امة محمد
الاخذ والعطاء والتبادل والحياة مشتركه
الزواج فيفتي فيفتي وسعادتنا وحده وراحتنا وحده
اطلقوا العنان لافكاركم وبتلاقون حركااات اوفر تسويها بعض البنات وبتلاقون المراه هي الحيطة المايله وهو برج ايفل لا يعلى عليه
اخيرا
الزواج متعة ..فن ..مؤسسة ..نعمة
بس تبي من يتعلمها
الزوج ..تكامل ..أمان ..حنان ..نعمة
بس يبي له من يفهمه دون رضوخ ويعلمه بالزوجة
الزوجه ..سكن ..نقاء ..تضحية.. نعمة
بس تبي من يحطها بمكانها ويقدر مجهودها ويتفهم مشاعرها
وسلامتكم:icon35:
دمتم بود
مـــوهـــومـــه* @mohomh
كبيرة محررات
يلزم عليك تسجيل الدخول أولًا لكتابة تعليق.
ماشاء الله عليك
كلامك ميه ميه
فعلا استغرب من بعض الحريم الي تخلي الزوج كل شي بحياتها وماتسوي شي الا عشانه لامو بس عشانه سويه عشانك عشان تمتعي نفسك يعني مثلا تجي وحده تبغى تسوي رجيم عشان زوجها ليش ماتنحف عشان نفسها وصحتها وشي ثاني يعني انا مثلا لمن اتناقش مع زوجي احب اتناقش معاه مو اسكت وخلاص واخليه هوه الصح الي مايغلط وماناقشه عشانه رجال لا لا بد من ان افهم وجهة نظره وهوه نفس الشي لازم يسمعني ويفهمني زي وحده تقولي انا مستحيل اعارض زوجي في الكلام او اناقشه في موضوع خلاص حتى لو ماعجبها الكلام تقول طيب وتسمع وبس بس الحمد لله بدات تتغير .
كلامك ميه ميه
فعلا استغرب من بعض الحريم الي تخلي الزوج كل شي بحياتها وماتسوي شي الا عشانه لامو بس عشانه سويه عشانك عشان تمتعي نفسك يعني مثلا تجي وحده تبغى تسوي رجيم عشان زوجها ليش ماتنحف عشان نفسها وصحتها وشي ثاني يعني انا مثلا لمن اتناقش مع زوجي احب اتناقش معاه مو اسكت وخلاص واخليه هوه الصح الي مايغلط وماناقشه عشانه رجال لا لا بد من ان افهم وجهة نظره وهوه نفس الشي لازم يسمعني ويفهمني زي وحده تقولي انا مستحيل اعارض زوجي في الكلام او اناقشه في موضوع خلاص حتى لو ماعجبها الكلام تقول طيب وتسمع وبس بس الحمد لله بدات تتغير .
صح لسانك حبيبتي كلام عين العقل
وبعدين اللي تسكت ومره متنازله هل هي سعيده والا تتجرع القهر
فعندي اناقشه بهدوء احسن من اني اسكت اسكت ويجي يوم وانفجر او اكون شخصيه محطمه لاعندي قدره على اتخاذ قرار ولا عاد اميز اللي في صالحي من اللي ضدي
وانا معك ان المجتمع هو اللي خلي معظمنا كذا
لعدة اسباب
اولا نظرتهم للمطلقه نظرتهم للي تقدم بها العمر ولاتزوجت ظااااااااااااااالمه يحسسونها انها منبوذه صفر على الشمال
واللي متزوجه هذي اللي لها كيان
انا ضد هالنظره القاصره
الزواج صحيح نعمه من رب العالمين بس هي نعمه للطرفين على حد سواء للرجال والحرمه سوى
واذا كان معروف عن الرجال انهم انانيين فهو بسبب سلبيتنا
يارب ينصلح حالنا اجمعين
وبعدين اللي تسكت ومره متنازله هل هي سعيده والا تتجرع القهر
فعندي اناقشه بهدوء احسن من اني اسكت اسكت ويجي يوم وانفجر او اكون شخصيه محطمه لاعندي قدره على اتخاذ قرار ولا عاد اميز اللي في صالحي من اللي ضدي
وانا معك ان المجتمع هو اللي خلي معظمنا كذا
لعدة اسباب
اولا نظرتهم للمطلقه نظرتهم للي تقدم بها العمر ولاتزوجت ظااااااااااااااالمه يحسسونها انها منبوذه صفر على الشمال
واللي متزوجه هذي اللي لها كيان
انا ضد هالنظره القاصره
الزواج صحيح نعمه من رب العالمين بس هي نعمه للطرفين على حد سواء للرجال والحرمه سوى
واذا كان معروف عن الرجال انهم انانيين فهو بسبب سلبيتنا
يارب ينصلح حالنا اجمعين
الصفحة الأخيرة
في بعض الحريم
انا متوقعه كمية معارضه كبيره لكي
هذا اذا مالحقوني انا بعد
مشكوره ياعسل