1- الرياض غاليري تحس فيه براحه نفسيه من ديكوراته الشرحه- يحتوي على ماركات كثيره ابرزها دبنهامز, اتش اند ام, نيو لوك, زارا, نكست, والاس, اكسسورايز, ماماز اند باباز, كوتون.. وقريبا راح يفتح سنتر بوينت وسيتي ماكس , فيه ايضا سوبر ماركت بنده وصيدليه ومحل الكترونيات وملاهي ومطاعم والمقاهي محليها انها على ممرات مائيه وزراعه صناعيه.
2- غرناطه غالبا اروح له اذا بغيت سوبر ماركت كارفور- فيه ملاهي كبيره ومطاعم مفتوحه ومطعمين مغلقين ( ستيك هاوس ومطعم تركي) فيه بعض المقاهي وصيدليه وماركات مثل دبنهامز ومانجو واتش اند ام ومذركير ونكست وكوست وريفر ايلاند .. وفيه ايضا محل الكترونيات كبير ومحلات ملابس ومعدات رياضه وباريس غاليري
3- حياة مول - يحتوي على سوبر ماركت الدانوب ومكتبة جرير ومحل الكترونيات وملاهي كبيره وحلبة تزلج ومطاعم ويتميز بملابس السهره والعديد من الماركات مثل زارا ومونسون والسواني وباريس غاليري لكن الماركات اقل من الاسواق الثانيه.
4- صحارى- ما اروح له كثير لأنه دايم زحمه وبضاعته تخلص بسرعه- فيه ماركات كثير مثل دبنهامز وكوتون وبيكوكس وله مدخل على السيفوي ومطاعم مفتوحه وبعضها مغلقه مثل فدركرز وكافيه سيراميك, وملاهي
5- العثيم مول ( الربوه) - هذا المول بدا يعجبني فيه ماركات مثل مذركير ودوروثي بيركينز واتش اند ام ونيو لوك وفيه سيتي ماكس وسنتر بوينت وسوبرماركت العثيم وملاهي ومطاعم ودايم عندهم عروض او مهرجانات.
6- خريص بلازا - كنت اروح والحين قليل- فيه زارا وغاب وكوتون وواليس ونيو لوك وغيرها وفيه مطاعم قليل وملاهي صغيره وسوبرماركت بنده
7- مركز الخيمه ( على طريق خريص) نروح بغرض التسوق من كارفور- وفيه مكتبة العبيكان وبيكوكس وكليرز ونكست ومذركير وملاهي صغيره واركان للاطفال ( رمل او مهن او صيد او مكعبات) ومطاعم بسيطه
8- العزيزيه مول - على انه بدا يسكر بس احبه مره - فيه هايبر بنده ومذركير وسيتي ماكس وبعض محلات الاوتلت والمطاعم وملاهي صغيره ويميزه حاليا مركز ( روائع المكتبات ) بالدور العلوي وهو عباره عن اركان للاطفال بشكل راقي ومنظم كل ركن تخصص معين مثل صناعة الدمى او صناعة الشوكولاته يسويها الطفل بنفسه وياخذها معه, ويتبعها قسم لديكورات المنزل من تحف ولوحات واواني, وقسم ادوات مكتبيه وتغليفات
أما المملكه ما فيه ذاك التنوع واحسن ما فيه دبنهامز والماركات الغاليه للشنط, والفيصليه ما احبه ابد ما ادري ليش بس تجيني ضيقه اذا دخلته.
ولا يهون سوق المجد اذا بغيت ذهب او استوكات ماركات والعويس اذا بغيت حلويات من الحمود وطيبه للذهي والعبايات... أما اغراض العيد والنجاح فمن شارع السويلم بالديره او من الهزازي.
واتمنى اني اكون افدت الجميع
umsalih77 @umsalih77
عضوة فعالة
يلزم عليك تسجيل الدخول أولًا لكتابة تعليق.
الطقوم الكامله تلقينها في محلات مستقله زي مثلا محل ( سمينا ) على مخرج 16 جنب ايكيا - وفيه محل ( مرينون) بالروابي واحد ولهم فرع امتداد مخرج 9 قدام مارينا مول - ومارينا مول فيه بعض الاشياء الحلوه وفساتين سهره
الصفحة الأخيرة
بس بسألك انا ابي محلات او مجمع يكون فيه طقوم للبنات كامله الفستان مثلا مع الطاقيه والشنطه والشرابات والجزم والشنطه ابي الطقم كامل من الى بنات بسن 6 و3 سنوات اذا ممكن والاسعار مو مشكله من 100 الى 250 او مثلها ابيهن طقوم حلوه للعيد ان شاء الله ..
وجزاك الله خيررررر