بنات الله يسعدها الي تفيدني والله لادعي لها
انا والده لي شهر او اقل وبنتي قليل مره نومها و 24 ساعه صياح مدري هي تتالم ولا شفيها ، اشيل اهز احطها ع بطنها ماتسكت اعطيها صدري تسكت ومن اطلعه تشتغل تبيه نفس اللهايه والمصاصه جبت 4 كلها عييت عنها ماتبيها , و مابقى علاج مغص ماجبته ولا فيه فايده وربي مانام و لا اقدر اكل ولا اتحرك حتى دورة المياه ماقدر اروح ع طول شايلتها واسكت فيها
تعذبت من صار معها كذا ومتى يبطلون صياح ااخ بس الله يعين
حبيبتي الأمر طبيعي فيه اطفال ماشاء الله يكونون هادئيين بس اكثر الأطفال يبكون من المغص
والمغص شيء طبيعي موجود في كل طفل وتتفاوت درجاته من طفل لآخر
اذا ترضع طبيعي ابتعدي عن الأكل اللي يسبب غازات
لازم تكرعينها بعد كل رضعه حتى لو أخذ منك الأمر من الوقت ربع ساعه
اخذ لهايه نوع بيجون السلكون وتأكدي من انها العمرالمناسب لها
كل ماطلعتها رجعيها بفمها اصبري حتى لو اسبوع لين تتعلم تبيها
أنا ولدي لمده مايبيها وانا استمريت احاول حتى اخذها ونفعتني كثير
خصوصا انه من النوع اللي يبكي بشكل مستمر
واذا ترضع بس طبيعي اشفطي لها حليب واعطيها اياها بالرضاعه
علشان تتعلم عليها في حال كان عندك شيء او تبين ترتاحين تقدرين تخلينها مع أحد
لكن لو ماتعلمت عليها راح تكوني مجبورة تكون معك طول الوقت