مولودي الصغير وعمليه القلب المفتوح

السلام عليكم

مدري كيف ابدأ وش اقول
الحمدالله ربي رزقني قبل اسبوع بطفل
زي القمر من بعد تاخر سنتين سويت حقن مجهري
وربي اكرمني بنجاح العمليه وحملت فيه بقدره رب العالمين
وبعد ولادته بيوم اكتشفو انه عنده عيوب خلقيه
في القلب 3 عيوب في الشراين وثقبين يعني 5 مشاكل في القلب
وسوه له العمليه بعد ولادتي ب 5 ايام واليوم له يومين من سوا العمليه
وممنوعه الزياره عنه وقلبه لسه مفتوح يقولون اذا استجاب قلبه للعلاج
يقفلون القلب وهو الان عايش ع الاكسجين والادويه اللي تساعد القلب
ع العمل مو عارفه انا هل قلبه شغال او لا مو عارفه ايش حيصير بعد كذا
مو عارفه هل مولودي يتحمل ولا جالس يتعذب مو عارفه هل هو استجاب ولا لا
مو عارفه وش بيصير وضعه مو عارفه شي كل اللي قاله الدكتور احنا سوينا
التعديلات والباقي ع رب العالمين والنعم بالله ومتوكله ع الله بس خايفه
لو فيه وحده تعرف احد مر بنفس التجربه تقولي وتطمني بحثت في النت ماحصلت
شي يساعدني او يفيدني قلبي متقطع ع ولدي احس اللي صار حلم بس شفته يوم ولادتي
وحضنته ورضعته وحرموني منه ماعاد قدرت امسكه هذا الطفل انتظرته من زمان استودعته
رب العالمين كل دقيقه ايام حملي من يوم ماسويت عمليه طفل الانبوب وهو لسه بويضه صغيره
كنت ادعي ربي يحفظه لي واشوف سالم معافا حرمت نفسي من كل شي جلست بييتي وحولت حياتي كلها صلاه ودعاء وتحصين وبعدت عن الناس والطلعات كله عشان طفلي انتظرته كل دقيقه
مو عارفه وش قاعده اقول انا مررره تعبانه ونفسيتي تعبانه واهلي تعبوني بزياده انتي نفاس ولازم تهتمين اي اهتمام وولدي ماادري عنه اي نفاس وولدي مو عندي اي نفاس والحلم اللي انتظرته مو بجنبي بين الاجهزه والادويه
ادعو لولدي ادعو ان ربي يرده لي سالم معافا ويشفيه عاجلا غير اجلا واللي تعرف حاله مثل حاله
ولدي تطمن قلبي