مولودي بطنه ما يمسك الحليب 🙁

انتى ترضعى طبيعى او صناعى؟

هل كل عشر او خمس دقايق توقفى الترضيع و تخليه يتقرع اللى هو يتشجأ؟

لانه عدم التشجأ يخلى الطفل بيستفرغ كثيير

ابنى الاول كان كذه لدرجة أخذته الطبيب و قال كل خمس دقايق وقفى رضاعة و خليه يتشجأ عشان قاعد يبلع هواء لما يرضع و هذا الهواء يخليه يستفرغ

و لاحظت سواء طبيعى او صناعى ابنى كان بيستفرغ

لما كبر وقف استفراغ الحمد لله

و الأفضل لو ما وقف ترجيع خوذيه الطبيب

أتوقع معاه ارتجاع اذا بترضعينه رضعيه نص الرضعه وطبطبي على ظهره وكملي الباقي ونفس الطريقه
خليه مرفوع وهو يرضع والأفضل تشوفين دكتور علشان يغير الحليب ويصرف له حليب للارتجاع

ولد اختي كان هالشكل وغيرت الحليب وصار احسن
بس ماعرف شنو كان مشكلته بالضبط للامانه
يمكن مثل ماقالت اللي فوقي حليب للارتجاع

والله للحين يرجع مع انه يتجشأ
بس مو كل مره غيرت له الحليب حتى اللي مني يفرغه

انا عيالي كلهم كذا بس استفراغ من بعد كل رضعه
ووديت بنتي عند دكتور شاطر وصرف لها حليب للارتجاع من نفس نوعيةًحليبها بس ماناسبها ..


وقال هاتوها بعد اسبوع بنفس الملابس اللي عليها عشان يشوف وزنها يزيد او لا !
.. وقاس الوزن وان فيه ارتفاع .. قال اجل طبيعي ..
كان عمرها شهر او اقل ..


المهم : طلع وراثه عند اهل زوجي
ام زوجي تقول عيالها كذا لين ست شهور ويتوقف ..
ولاحظت على ولد اخت زوجي في عمر بنتي ونفس الشي بس يستفرغ ..
المهم يوصل عمرهم لين ست شهور ويتوقف الحمدلله نهائياً وصحتهم زينه ..