مولودي والرضاعه

إذا كانت مشكلتك الحلمة فيه جهاز يطلعها اسألي في الصيدلية
ومشكلة قل الحليب كثير السوائل وترا حبوب منع الحمل إذا كنتي تستخدمينها تنشف الحليب

الحمدالله الحلمه في اليسار برزت اما الييمين لسه احاول فيها .... والسوئل اشربها لكن صح مووبكثره مويه اكثر شي العصائر يعني وماستخدم اي موانع لاني حملت بعد سنين انتظار ماشاء الله  حملي صعب اللهم لك الحمد....لكن الي معقدني اكثر هو طفلي اذا صاحي مايرضع من صدري اما ذا نايم يرضع لكن بقله والحليب باذن الله بيكثر ومشكوره على الرد يالطيبه

 وين نصائحكم

اولا الحمدلله على سلامتك وألف مبروك

من أحب المواضيع اللي بحب احكي واتناقش فيها هو موضوع الرضاعة لأني كنت مصممة اني ارضع طبيعي مع انه الرضاعة الطبيعية لا تتماشى مع اسلوب حياتنا في هذا الزمن..ولكن الحمدلله مع تشجيع الاهل و زوجي ومع قرائتي للعديد من المقالات استمريت عالرضاعة لغاية 3 شهور ومن بعد اعطي بنتي رضعة الى رضعتين فقط صناعي في اليوم وذلك بس خروجي اليومي من المنزل..شوفي يا ستي رح احكيلك كلام علمي وموثوق مش حكي نسوان..من أول علامات الحمل هو انتفاخ وتحجر الصدر صح؟ جسمك يا عزيزتي ببدا بالعمل على انتاج الحليب من اول يوم حمل!! وبضل 9 شهور يحضر و يجهز نفسه للرضاعة وبالتالي ابدا ما تظلميه وتقولي "مافيني حليب" كلنا فينا ولكن الحليب لا يأتي إلا بكثرة المص..جسمك بيعرف انك كنتي حامل وهلا عندك بيبي وهو بيعمل كل شي عنك..اول ما يبلش ابنك يرضع هناك هرمونات تفرز لانتاج المزيد من الحليب وكل ما رضعتيه اكتر كل ما زاد الحليب لأنه جسمك اولا واخيرا بيهتم بمولودك اكتر منك وعارف انو لما الولد برضع اكتر معناه بدو حليب اكتر..تمام؟ اوكي نيجي هلا للي بيزود الحليب..ثبت انه في مأكولات بتزود انتاج الحليب متل الزبادي والطحينة و مشروب الشعير(ممتاز) وكمان الكورن فليكس اللي لونه بني اسمه بران والشوفان هدول روووعة فا انتي دخلي في اكلك اليومي هالمأكولات وحتشوفي الفرق..
هلا نيجي للمهم..الحليب الطبيعي سهل الهضم مقارنة بالصناعي..يعني لو رضعتي ابنك هلا كمان ساعة ونص لساعتين رح يبكي بدو يرضع وهادا هو الطبيعي..لو زاد عن الساعتين مش طبيعي هههه ولو اقل من ساعة ونص الله بعينك شيليه وارجعي رضعيه..صدقيني لو ضليتك يومين هيك رح تلاقي جسمك انتج الحليب بكميات اكبر و ابنك رح يخف عياطه لأنه متل ما قلت قبل كتر المص بجيب الحليب..الحليب الصناعي بيقعد بالمعدة من 3 ل 4 ساعات فا ما تقارني ابدا بين طفل بيرضع صناعي و طفل بيرضع طبيعي و انا متأكدة مليون بالمية انو اللي حواليكي هم اللي بحكولك انه ابنك جعان لأنه انا نفففس الشي كل ما كانت تعيط يقولولي جعانة وانتي ما فيكي حليب او حليبك خفيف وانا اطنشهم لانه وزنها كان يزيد و كنت ابدللها حفايض 6 مرات اواكتر باليوم وهدول الاتنين هم اكبر دليل على الرضاعة الجيدة..فلا تعتمدي على كلام الناس واستمري بالرضاعة..
نيجي لموضوع استسهال ابنك الرضاعة عن صدرك..وهالشي معروف لأنه الرضاعة الطبيعية بتاخد مجهود كبير من الطفل حتى يمص على عكس الرضاعة الصناعية اللي الحليب فيها بينزل لحاله وابنك مجرد بيبلع وما بيعمل اي مجهود! ولذلك غيري حلمة الرضاعة وخليها ضيقة ويفضضضل توقفي الرضاعة الصناعي او تقليليها لرضعة في اليوم عشان ابنك يتعود عليكي اكتر..
كل التوفيق عزيزتي ارجو ان اكون افدتك وارجو منك الأخذ بنصيحتي..انا لو سمعت لكلام الناس كان من تاني يوم اعطيتها صناعي بس الحمدلله ثقفت نفسي ولقيت اني بفهم اكتر من اللي بينصحوني :) 

نفس مشكلتي ابي حل من ولدت كله صناعي