السلام عليكم
موموظفه ولاعندك دخل غير مصروف او مبلغ تحصليه واللي تبغيه شي كبير حد صار له ؟؟؟
انا نظري ضعيف وافكر بالليزك تقريبا تكلف12ألف ماخفيكم بدأت اجمع بس بدأت افكر ابيع من ذهبي ايش رأيكم لأن نظري 2/6
وشي ثاني بديت افكر من فترة ابيع ذهبي واخذ قطعه ارض لو بعيد هو مابيجيب مبلغ كبير بس اخذ بمكان لي والزمن
او اجمع وازيد ع ذهبي
اعطونا افكار وتجارب اكيد الكل بيستفيد والأهم كيف نحافظ ع المبلغ المدخر ونزيده بدون نضطر ناخذ منه
بنت الريف2010 @bnt_alryf2010
محررة ذهبية
يلزم عليك تسجيل الدخول أولًا لكتابة تعليق.
الصفحة الأخيرة
أنا مو موظفة وبقول لك تجربتي بالإدخار !!
زوجي الله يرضى علية مو مقصر معي وهذي كلمة حق اقولها لله !!!
بس أنا احب اعمل شيء لنفسي ومن مجهووودي أنا !!
أنا مصروفي 500 ريال دخلت فيها جمعية
سنة يطلع لي 6000 ريال
اخذت مبلغ 700 ريال وفتحت فية موقع !
وباقي المبلغ دخلتة بحسابي على طول ما اخذت منة هلله وحدة !
الموقع كان عبارة عن موقع خاص بالتصميم وإدارة المواقع والبرمجة
طبعاً أنا عندي خبرة بهالشغلة وسبق واشتغلت في شركات إستضافة
وقلت ليش ما افتح لي موقع واستفيد لنفسي بدل ما اشتغل عند الناس بأجر
مرة يسوى ومرة مايسوى تعبة !!!
توكلت على الله واستخرت وفتحت الموقع
كانت مدة الإستضافة سنة
وبديت الشغل واعلنت لموقعي
واقل من شهر بدأ الشغل والطلبات وكان وقتها سبحان الله
لسى جايتني شغالة
يعني كان عندي وقت اجلس عالاب توب واشتغل
للمعلومية الشغل كان كله ببيتي عن طريق الكمبيوتر !!
والحمد لله كانت طلبات التصميم كثيرة
وجمعت في سنة حوالي 50 الف ريال وطبعاً ماكنت اصرف منها هلله وحدة
اي مبلغ كان يجيني من شغلة احولة على طول لحساب خاص ما اصرف منه شيء !!
والحمد لله مشي الشغل .. وصحيح كان الشغل يبغى متابعة وياخذ الكثير من وقتي
بس كنت اجلس مع زوجي وبناتي واشتغل وأنا جالسة معهم
وكان زوجي دائماً يشجعني .. والحق هذا اللي خلاني اقدر استمر بهالشغلة !!
بس طبعاً أنا حالياً موقفة الشغل لاني حملت وتعبت بالحمل مرررة
فاضطريت اوقف الشغل لحين وقت ولادتي
وبعد ماولدت انشغلت بالصغيره وقلت بس يكبر شووي
إن شاء الله اعاود نشاطي من جديد
وخصوصاً الآن ماعندي شغالة ما اقدر ابداً اني اجمع
بين شغلي وبيتي والصغيرة الله يحفظها
هذة تجربتي .. وترى كل وحدة فينا تقدر تعمل لنفسها شيء !
مو شرط تكوني موظفة حكومية
او معك شهادات !!
فقط .. فكري بالشي اللي ممكن يقدر يفيدك وأنت مستعدة له
وابدئي وتوكلي على الله .. وإلا مايوفقك ربي !