مووضوعي غيرر حياتك بعد الدايت والوصول للمثالي+فضفضة سمينه:(

مراااحب يااحلا رشيقات <للتفاؤل
محدثتكم وزنها حاليااا80
والطول 162:(
وزوجي
الطول 177
الوزن65:(
والكارثه
ام زوجي مشالله ربي يحفظهاا
ام ل15نفس
وعمرها 60
وزنها 70
طولها 163
اخوات زوجي اسمن وحده عمرها في نهاية الثلاثين او لااربعة اطفال
وزنها 65
وانحفهم وزنها 40
عائله رشيقه مشالله
وشهيتهم شبه معدومه
انا العكس تماماااا
كل اهلي مدبدبين
حتا اخواني وخواتي
الحلا شي رئيسي عندنا
والقهوه بدوون تمر ماتجوز عندنا
والكبسات عندنا شررط لحياتنا
شسموو والقااائمه تطوول

الزبده سبق ان سويت دايت ونزل وزني ل70وطلعت سمبتيكاا
وزوجي انهبل علي
لاكن كالعاااده لنا يامعشر السماان لابد ترجع حليمه لعادتها القديمه

من هذا المنطلق<اقوول طسي بس انحفي
حبيت اطرح موضوعي

ع فكرره زوجي ناشب بحلقي يقول انحفي
ومن اكبر معاناتي معاه انوو اذا طلعنا من البيت فالعبايه كني امه لااستغفرالله امه ازين مني
كاني جدته اااه يابنات العبايه عليه عالم ثاني لان زنودي كبيره نوعا ما منتفخه من فوق كاني معضله وبصارع
وكتوفي كبار
الزبده
هل فيه احد نحف وقدر يحااافظ ع نحفه
وكيف حياتكم عقب الوصول للمثالي
كيف ازواجكم

اللي بتدخل تفلسف وتقول الزوج المفروض ينظر لجمال الروح اقولها لا ياروح ماما لو كان كذا ماقال الرسول بما معنى الحديث اذا نظر اليها اسرته
والحين المظهرر شي مهم خاصة في هالزمن اللي حتا الصور توصلك وانت ع سريرك
الرشااااقه تهبل حتا الخيشه تجي عليك حلوووه
واحنا واحنا حريم ننهبل مع الاجساام وشلون الرجال
والله ماالوم الرجال اللي يدورون الرشااقه اقسم بالله مالومهم
احس الرشاقه بيد الوحده
موقف:(
مره زوجي كالعاده يسال
متى بتبدين ريجيم
انا: اصلا من الصبح مااكلت شي ولا لي نفس مدري اش فيني مسدوده نفسي هاليومين <كذاابه اكله الغدا كله بعد ماراح ياخذ قيلوله
هو:ياام ياسر هالمره اوصلي للستين والا ريحي عمرك ولا تبدين ثم ترجعين زي دايم
انا وفيسي طاايح :لا هالمره نااويه
هو: عااد بسالك من جد للدرجه ذي ماتقدرين تمسكين نفسك عن الاكل
انا وفيسي معصصب ومحمر ومعتفس :يووه بالله عليك تشوفني اكل والله اكلي اقل منك بس جسمي قابل للسمنه من بعد الحمايل
هو:تبين الصدق اشووفك تضربين بالحلا
انا :اصررف السالفه وارقعهاا انا مشكلتي بس الحلا والا باقي الاكل مااشتهيه<نصاابه تاكل الاخضر واليابس

بنات احس الدوبه مايليق عليهاا الدلع
ولا اللبس
ولا الرقه
حتا بالمسلسلات دايم البطله واللي تعشق عصلا
طيب ليش
يارب تصير السمنه مووضه <ايه هين
وانا ملاحظه ان العصقله صايره موضه
حتا الفنانات اللي كانو مربربات صارو عصاقيل
وشسموو ايه تذكرت <مسكينه خلوها تفضفض
احس ان الاكل يكون قليل وتشبعين من علامات الرقه ههههههاي <هسترت
والله من جد احس ان اللي تكتفي بلقمتين ثلاث اتكيت
اما اللي تضررب بالخمس وتخلص الصحن دفشه:(



مخررج:
يااااارب نحفني ونحف كل من دخلت موضوعي ياقادر ياكريم انزل اوزاننا من غير شر وثبتها علا الوزن المثااالي يارب يارحمن يارحيم انك على ذالك قدير


انطلقووووو
↓↓