مووضوع مهم وخفيف ومبسط لنظام النفاس> معي راح تحبين النفاس هع

اولا السلام عليكم ورحمه الله وبركاته
هاليومين منسترره عندكم هون بس كذا ههه لقافه المهم لاحظت ان الكثير من البنات متخوات من الولاده وواو ونفاس ونظام ومختبصاااات لا لا الموضوع اسهل بكثيررر معي انا الهنوف اختكم راح ابسط لكم وناشرح لكم من خلال تجربتي والحمد الله كويس نظامي وسهل ومبسط
اولا لازم تجهزين لنفاسك من الشهر الثامن اول شي شراء ملابس طفلك سواء بنت او وولد يعني مهد كم لبسه للبيبي اكثر من غيار للطففل نسيت اسمه الملابس الداخليه للحفاظ ذي كثري منها 4 لفات قطن 2 وبطانيات حلو جهزتي للبيبي الاساسيات نجي لك انتي اشتري لك قميصين استخدميهم لنفاسك وانطليهم بعدين وبجايم 3 تكي وشرابات 3 تغيري فيهم ~~~اوكي وجلال علشات تربطين بطنك بعد 3 يوم ولاده وتفكينه قبل النوم اوكي خلصنا اول فقره :wink2:
نجي لمابعد الولاده ((((((((النفاس))))> باسهل نظام>احفظي هالموضوع ياختي او استفيدي عن الحوس !
1/من العطار تاخذين حلبه وكمون قصيمي ثفاء او تسمى حبه حمراء ماش عصفر كويس لك وللبيبي يانسون وشمر خوا جوا ممتازه عن الشمم حبه سوداءفلفل ابيض واسود وارطىالارطى تلقينه مطحون وراح اعلمك طريقته وهو طبعا غسول للمهبل مو يوكل لا غسول وايضاسكر نبات لك ولطفلك مهم جدا

المهم اول شي نطحن كاس حلبه ومثله ماش ونطحن ربع كاس لكل من الشمر سكر نبات لتحليه الخلطه وحتى تصبح مستساغه وشوي كمون وشوي فلفل ابيض واسود وحبه سوداء تقريبا 3 الى ملعقتين اطحنيهم جميع وذا هو اللهوم اشربيه مع حليب الهميه مع مويه حطيه مع مرق خضار بعد ماتستوي مع
المرقوق بعد مايستوي اوكي نجي لنظام اكلك ياحبيبيتي
2/ الاكل اهم شي ماتجوعين ابتدي صباحك الفجر بااكل تمر حلو~~ الفطور 6 ونص او سبع ضرورري بدري ويكون خبز صاج عصيده تمر مع زبده او خبز وعسل وزبده اهم شي بر الطحين مع كوب حليب حلبه عقبه ارتاحي الساعه 10 سوي لك قهوه مع هالتمره ممتازه جدا للحرمه تضيق((تمربدون نوا سمن او زبده مع ثفا واعجنيهم وكل ماتقهويتي كولي منها (الغداء)مرقوق ايدام كبسه لحم مع حلبه وماش وسلطه لازم ولاتنسين الفاكهه عقب الغداء على الساعه اربع العصر اطبي قشر قهوه يانسون كمون حبه سوداء وحليها واشربيها ممتازه واكلي فطاير او اي شي نفسك فيه (العشاء) سوي مثلا قرصان مع لحم او دجاج مرقوق او اللي تشتهينه ابعدي عن الاجبان والمحفوظات سوي اشياء مفيده وقبل النوم اشربي كوب حليب دافي مع رشه فللفل ابيض او اسود
طبعا لاتنسين ترطيب الجسم مهم جدا قريت طريقه ماجربتها يقولون تي 50 بالميه من التشققات هي لسان بحر مطحون وخل تففاح دورووها واقروها يمكن تنفع لكم رطبي جسمك اهتمي بخلطات للجسم اخذيها من قسم البشرهه رطبي ايدك كل شوي وفائده العصفر اللي اقولكم عليه اولا للام مع حليب وحلبه حطي عصفر حلوه لتفتيح البشره وادرار الحليب وللطفل عن المغص سكر نبات حبه, مويه دافيه عصفر ,كم حبه يانسون تسقى للطفل
(((الغسول )) حلو من اول اسبوع لاخر نفاسك يضيق وينشف اللي هو كالتالي
قدر ماتتحتاجينه+ارطى ملى كفك ملح خشن ملى كفك ومويه تطبخينه تشلخينه تستخدمينه دافي وتغسلين
مهم تشترينه مطحون من العطار عقب العشرين يوم الاولى تخففين من الحلبه وتبدين بالكبوا اللي هو كالتالي خوا جواء قشر بصل مهم جدا كمون هالخلطه احظيها بكيس قبل النوم تدخننين ابها من تحت ونامي على طول حلوه للهواء ممتازه
في النهايه كتبت تجربتي لكم ودعواتكم لي يسخر ربي زوجي ويكبر عيالي ويرزقني من حيث لااحتسب >تعبت لعيونكم يالغاليات اتمنى تثبيت هالموضوع لتعم الفايده للجميه ولاباس بنشره ونقله مع ذكر المصدر والله ولي التوفيق