مووضوع هام يحتاج الى اجابة من اهل الخير

اخواتي العزيزات
في البداية احب ان احيي جميع اعضاء هذا المنتدى العظيم الذي منذ اول زيارة لم استطع ان اتركه وكانت اول زيارة لي منذ سنتين (تخيلوا سنتين وانا اتابع) اجل اذا جيت اشارك كم يبيلي هههه
بس اني ما قدر اصبر على طول من اللحظة اللي جاني فيها امكانية الدخول دخلت وكتبت هالموضوع اللي انتم اللحين تقرونه وتقولين وش تبي ام سارة وبس 000
المهم بلا ضحك وركزوا معي ابشركم انا حامل000 لولولويه
عاد اللحين حملت الله ياهون علي قولوا امين بسم الله ما ودكم تقولنها اللين قلت لكم
عاد اللي سبق وان حملوا يضحكون بشويش يعن انهم خبرة ومروا في اللي انا مريت فيها الحريم هذولي اقولهم واقول لغيرهم اللي حملوا قريب واللي يقراء رسالتي هذي يروح يسئل مو يجاوبني يقول انا ماادري لا تروح تسئل وتحرص كاني بنتها او اختها الصغنونه000
اللحين تراني ابدخل في الموضوع لا حد يطلع علي وانا داخلة ترى اتلخبط وانسى الموضوع تراني حذرتكم سامعين وش سامعين اقصد شايفين000
صديقاتي او اخواتي او قريباتي او اللي ما اعرفهم انا واعذوبالله من كلمة انا00جالس ادور على دختورة كويسه للولادة وسئلت وسئلت كل وحده تقولي شوفي الدكتورة الفلانية يقولون تلدين وانتي تشربين سفن اب وحدة قالت لي الدكتورة الفلانية تولدك كانك بنتها مو مريضه عندها يوم رحت وسئلت عن الدكتورة الحنونة قالت لي وحدة ابنصحك نصيحة لله اولدي عند اي دكتورة الا هذي الحنونة لانها بسم الله علي تعصب عليك ويمكن تضربك00
عاد انا احترت وتهت على قولت المصريات سئلت وحده في مستشفى المملكة قالت لي عن دكتورة اسمها صباح سورية تجنن خطيرة في الولادة لا تفوتك الحقي عليها قبل لا تسافر لانها على وشك اجازة00
سؤالي وش رايكم بالدكتورة صباح اللي في المملكة؟؟؟
سؤالي وش رايكم بالولادة في مستشفى المملكة؟؟؟؟
سوالي وين الد فيه ومن هي الدكتورة المناسبة؟؟
ولي رجاء صغير ردوا علي بسرعه 000 :(