مساء الخييييير !!
اشلووونكم يا الحلوااات ؟؟
ان شاء الله بخير ...
بنات حبيت اقولكم مشكلتي او مشكلة عايلتنا كلها اللي من طرف خوالي وخالاتي بالاخص
انا بنت عمري ثمانتعش سنه اول حفيده لجدتي وجدي ام امي
والله رزقني ب ثلاث خالات ما شاء الله كلهم معلمات
وثلاث خوال .. المهم .. تقريبا من سنه تهاوشت مع بنت خالتي اللي عمرها سبعتعش سنه اصغر منه بسنه
على انها متبليه علي بكلام انا ماقلته وربي يشهد علي ولا بعد الكلام قوي حييييل قوي
وموصلته حق بنت عمتها بتطيح بيني وبينها .
البنت ما اسكتت راحت قالت حق امها ان احلى ماكنتوشه تقول عني كذا وكذا وربي يشهد فوووقي اني ماقلت ولا حرف من اللي قالته بنت خالتي ..
المهم امها عصبت وراحت دقت على خالتي اللي اتصير مرت اخوها
وقالت اشهالكلام اللي امطلعته بنت اختج على بنتي ؟؟
راحت خالتي دقت على امي وقالت انتي سببتي لي مشاااكل مع حمواااتي
والله اني اذكر هاليووووم ان امي كانت قاعده اتسفل فيني واتزف
فيني
وقعدت ابجي وقلت لها والله مو انا اللي قايله هالكلام وصااااارت سواااااالف والحين امي وخالتي ما يكلمووون بعض ..
جااا يوووم الخميس اللي طاف خالتي الثانية جايه زايرتنا وقالت انا عندي تحليل امشي معاااي برووح المستشفى
قلت لها يالله مايخاااالف .. قالت اووك بس اول شي بودي ولدي
ولدها عمره خمس سنين لاختها .. اللي امي ما تحاجيها .
لان اهوا مو راضي يقعد في بيتنا بيتنا كله بناااااات ماشالله مافي اصبيان
اخواني اكبر منه بوااااجد ..
وخالتي عندها اصبيان من عمره .. المهم رحنا ودينا الولد لبيت خالتي
واحنا حاطين في بالنا لما انرد من المستشفى نمرة وناخذه لبيتنا
المهم واحنا في المستشفى دقت خالتي وقالت حق خالتي الثانية على فكرة انا طلعت ومافي احد في البيت الا الشغاله تعالي اخذي ولدج ..
قالت اوك انا الحين بجي وباخذه ..
بعد اشوي اتصلنا عالبيت وقلنا للشغاله خلي الولد يطلع برااا الحين بجي امره وباخذه
جان تقووول اي ولد ؟؟ مافي ولد بالبيت
قالت لها روحي دوري عالولد الحين بجي باخذه .. قالت والله مافي ولد
خالتي استخفت وانهااارت .. وطلعت من المستشفى واهي قاعده اتسوق السيااارة واتحسب على اختها تقووول ياليتها قاطته على بيت اختي اللي اهي امي لان احنا ساكنين بمنطقه وحده ونفس القطعه بعد
وانا اهديها واقووول شوي شوي لاندعم ونمووووت واهدي فيها
تخيلوا وصلنا للبيت وكان البيت فاضي .. مافيه احد الا الشغاله
وقعدنا اندور عليه وبيت خالتي مو داشته من زمان ابسبة السالفه اللي صارت
نزلت مع خالتي وقعدت ادور عالولد ومولاقيينه وقعدت خالتي تبجي وتصارخ وجتها هستيريااا واهي حاااامل ومريضه .. حامل حمل خارج الرحم .. واتعبت وجتها هستيريا
انا ما عرفت شسوي .. قلت دقي على خالتي صاحبة البيت قولي لها ان الولد مو لاقيينه
تخيلوا لما دقت عليها ردت عليها بكل برووود قالت لها ولدي مو لاقيينه المفروووض ما اتخلينه في البيت ابروووحه هذا ولد عمرة خمس سنين ما تخلينه برووووحه
تخيلوا ردت عليها قالت لها اووووووف لا تعورين لي رااااسي انا عند حريم .... وصكرت التلفون بوجههاااا
اهنييي انهاااارت ازياده وقاعده تقووول اختي ليش اتسوي معاي جذي ؟؟
والحين ولدي وين الاقيه بالليل هذا ؟؟
اخر شي دقيت على امي قلت لهااا يمااا الحقي مو لاقيين ولد خالتي
جان تقوووول موجووود في البيت عندنا اموصله رجال من الشااارع
لقاااه كان قاعد يبجي ووصله .. انهارت خالتي ولما ردت البيت دقت
على اختها وقاعده تتحسب عليها..
خالتي عبالها ان احنا ما انحبها ولما شافت امي اقطعتها من الموقف اللي سوته بنتها
وسوست وقالت حتى خواتي ما يحبوووني ... وسوت هالموقف
سووووري عالاطاااااله بس شسوي بفضفض
لو انتوا بمكانها شتسوون ؟؟
احلى ماكنتوشه @ahl_makntoshh
عضوة فعالة
يلزم عليك تسجيل الدخول أولًا لكتابة تعليق.
مايصح الا الصحيح
•
حبيبتي الحمد لله على نعمة العقل الحين مادري ليش الناس ماتفكر قبل ماتاخذ القرار تقطعه ارحام بسبة العجله واخذ الكلام من كل مكان وصار ليس للكبير احترام ولا كلمه واوصيك ان تلحي بالدعاء ان ربي ينصرك على من ضلمك وان تبتعدي عنها قدر المستطاع لنه ليس كل كلام صادق او حقيقيه لازم يتاكد من المقال لماذا وصلناالى هذا الحد قال وقيل وكلن يدعي انه على حق بس ان لله وانا اليه راجعون
والله موقف غريب
مهما يكون
مايكون ضحيه موقفها البايخ في الطفل الصغير
الحين لو صاير له شي
الحمدلله على سلامته يارب
مهما يكون
مايكون ضحيه موقفها البايخ في الطفل الصغير
الحين لو صاير له شي
الحمدلله على سلامته يارب
الصفحة الأخيرة