لا .. مو حرام
انتي مالك دخل في اخو زوجك ياخذ شقه ياخذ دور كامل هالشي خاص فيه هو وامه وابوه
هم المسؤلين
ياترضين بشقه او اجلسي بشقتك , لاتفتحين ابواب مسكره وتجيبين لنفسك مشاكل انتي في غنا عنها
لان مالك حق اصلا تتكلمين .. وكرماآ منهم يعطون عيالهم سكن بلاش ترأ قليل يسوونها بهالوقت

شوفي على كلام اخت زوجك ان امها وابوها ندموا انهم اعطوهم الدور كامل بس مستحين من ولدهم الكبير يقولون له خلاص سكن فيها وخلاص
وبصراحه حطيت نفسي مكانك وماانقهرت ابدا
بس بسالفة انه مو عدل هو الصراحه مو عدل بس تلاقينهم مايبون زعل ولدهم ممكن طلبهم وقالوا له خلاص تعرفين الكبير ماينقاله لا خصوصا عند الام والاب
الصراحه متى انقهر اذا جيت اسكن وهم معانا بيسكنون بنفس الوقت وهم اعطوهم دور وانا شقه هنا بقول ليش الفرق بس مستحيييييل ابين لاحد بكيفهم المال مالهم والعماره عمارتهم اهم شي اني. لي شقه فيها

ولاتتكلمين عنها قدام احد لو امك لاتتكلمين مو عشان شي بس اولا انتي قربتي منهم غالبا القرب يجيب مشاكل الله لايقدر المشاكل بينكم وان حكيتي لاحد ممكن تحيها تلاطيش كلاااام وتصير مشاكل ويتدخلون فيها الاخوان وتكونين بشي وتصيرين بشي ثاني
ثانيا لانك لو فضفضتي لاحد راح تكبر السالفه بنظرك سواء هذي او غيرها وراح ينشغل تفكيرك داااااايم وتتعبين وساعتها تقولين ليتني ماقربت
ثالثا لانك طيبه وهي على كلامك انها ماشاء الله عليها مقويه حبتين فراح تتعبين
عشان كذا طنشي ماكأن في وحده في العماره دام انها مقاطعه اهل زوجك بسبب زواجك اكيد حتى انتي مقاطعتكي خلااااص خذيها من قاصرها ولاتروحين لها

اسفه اذا كان ردي ضايقك بس والله مابي اجاملك وانتي طلبتي رأينا وانا ممكن خرجت عن الموضوع شوي وسويت فيها حكيمه وجالسه انصح بس والله لاني مابي لك المشاكل لان احيان القرب يجيب مشاكل وماابيك توقعين فيها وموشرط يكون السبب اهل الزوج احيان القرب من الاهل وهذا الكلام تقريبا توصلت له من مشاكل البنات بالمنتدى ربي يساعدهم ويبعد عنهم المشاكل ويوفقهم ويسعدهم

عادي صلي على النبي وارضي باللي الله كتبلك اياه واحمدي الله وعلى سلفتك لا تقارني حالك فيها وتعاملي معها زي ما اهل زوجك بتعاملوا معها المثل بقول الحرة عاديها والتانية خليها

مكن انه معك حق لانه هاد مش عدل
بس انت اصلا مالك عليهم اي حق
ممكن زوجك اللي يعاتب او ما يعجبه الحال لكن انت ما رح يفكروا الا انك غيرانة او طمعانة وبالفعل ممكن معك حق بس انت لا تتدخلي ولا تخلي اي حكي يطلع من ناحيتك لاهله وتصير ضغائن بينكم لانه هادي حياة باكملها
ونصيحة لا تقربين كتير منهم شو بدك بوجع الراس وانه الكل يسكن بنفس العمارة

انا عاذرتك على قهرك منها
بس تعالي بقولك شي
ترى كلنا نعاني من تفرقه المعامله مع الولد الكبير
لا وازيدك من الشعر بيت
حتى عيال الكبير غير
ينصبر عليهم اكثر من اهل الزوج
وتتراعى مشاعرهم اكثر
غير غير غير
وترى اللى ردو ردوود ماهي زينه تلاقيهم هن نفسهم زوجات الكبير
فما هم حاسيين فيك
بس ترى هذا عند كل العرب
مو بس اهل زوجك
ولما تعرفي ان اهل زوجك يشوفو ولدهم الكبير بنظرة ابوهم الثاني بتعذريهم
يعني لو عمك ابو زوجك قال ابغى دور والله ماحد يكلمه
نفس الشي الكبير
حتى لو بينهم سنتيين ثلاثه
هذا اعتقاد انبنى من يوم ما أنولد ينظروون له انه السند والابو الثاني ومن هالكلام
انا كنت بنجن وانا اشوف العيال يتكفخون وهذا يخافون منه تقريبا ويتوددون اليه والى حرمته وعياله وهم مامعطيين احد اعتبار ومثللك بنجن افور واغلى واقول ايش فيهم هذولاء مسويلهم سحر
الين يوم مسكني زوجي وفهمني كيف اهله ينظرون الى اخوهم الكبير
وكيف يصبرون عليه حتى لو ضغط عليهم
والله رحمتهم
انتي تقوليين المفروض يطردونه (لو عمك ابو زوجك احد قدر يقوله اخرج من البيت او الدور ) هذا في نظرهم مثله تماماً ويمكن مع كبرهم في السن صار اهم من عمك نفسه
انتي احترمي مشاعرهم وحسي فيها والله بترحمينهم
انا اخو زوجي الكبير اذا عنده مناسبه يسويها في بيت اهله عشان بيته لايتوسخ وينقهرون احسهم و مايقولون الا طيب وحاضر
اول كنت استغرب وانقهر
بس اللحين والله ارحمهم وعادي اسكت واساعدهم بالخدمه مو عشان اخوه وحرمته عشان الكبار اللى مايقدرون يقولون لا
واقولك شي حتى القصات الغريبه واللبس اللى مايعجب الكبار الجده تعلق على عيال الكل اذا ما عجبها ...الا عيال الكبير تطالع وتسكت
فلازم تفهمي عشان تكون الصوره واضحه قدامه وتنظري للامور بحكمه وترتاحي
وانتي الكسبانه (اجر ومحبه اهل زوجك وشعورك بانك متفهمه وعاقله يعطيك سعاده لاتوصف)
وسلامة قلبك من الزعل