مو بس الرياضيات فيه معادلات ..حتا حياتنا ..عطونا معادلاتكم

السلام عليكم اخباركمم حبيباتي ان شاء الله بخييير مو بس الرياضيات لها معادلات الحياة لها معادلات اكثر واعمق موضوعي هو ببساطة قولي لنا شنو المعادلة اللي طلعتي فيها من خلال تجاربج بحياااتج زينها وشينها اببدأ انااا انا نشأت بعيلة يفضلون الولد عالبنت يعني البنت عندنا عادي تنظلم عادي تنضرب تنكرف بدون رحمة كالحيوان اعزكم الله تزوجنا انا وخواتي بدون لانعرف حقوقنا على ازواجنا يغلطون علينا ونسكت يحرموننا حقوقنا ونسكت ونشوف ان هالشي طبيعي فالحياة الين جا الوقت اللي الله هدانا فيه وعرفنا حقوقنا وبدت مشاكل بيننا وبين ازواجنا وصرنا كل شوي راجعات زعلانات لهلي وازعجنا اهلي بعيالنا خخخخخخخخ وصار ابوي يصرف علينا وعلى عيالنا وكل يوم مشاكل مع ازواجنا وامي مافتكت مننا تحاسب حالها زوجتنا وافتكت لكن رجعنا لها وهني انطبق عليهم المثل اللي يقول هم البنات حتا الممات !!! شفتو كيف الشخص يهمل الشي ويبي يخلص منه ترجع تدور العجلة ويظل طول عمره يعالج خطأه !!! مثااال ثاني اعرف وحدة كبيرة بالعمر وعندها عيال كباااار من زوجها الاول وصغار من زوجها الثاني المهم لما كانت علا ذمة زوجها الاول كانت انسانة سليطة وانانية ومايهمها الا نفسها ومو عاجبها العجب وهي جميلة جدا فتركت زوجها وتطلقت وتركت اولادها وبناتها وراحت تزوجت واحد ثاني تبي تعيش شبابها تبي تتونس العمر هو واحد علا قولاتهم المهم تونست معاه بدايه الزواج وخلفت اطفال وبعدها صارت مشاكل بينهم وتركها زوجها وبعديييين ؟؟ الحين كل كبار السن جالسات عند عيالهم وعيالهم شايلينهم ومرتاحات خلصو تربية اطفال وخلصو ايام الكفاااح والنتيجة شايفات عمرهن الحين وجلسات العصر مع حريم الحي ويافلان ودني ويافلان جيبني ونسو ايام التعب