مو راضية عن حياتي وزواجي الله يوفق ويساعد الي ترشدني وتشد على ايدي والله اني بحاجة لح

السلام عليكم
حبيباتي ودي افتح لكم قلبي وافضفض شوي وابي مساعدتكم لاخلا ولاعدم
خواتي مشكلتي تتلخص في زواجي وزوجي
احس اني موسعيدة ولا مرتاحة في حياتي .. مادري من وين ابدأ ولاا شقووول
من البدايه ماكنت مرتاحة ايام الملكة بس كنت اصبر نفسي واقووول اكيد لاني بالبدايه بس كان الوضع يزيد .. انا الحين صارلي متزوجه سنتين ونص وعندي بنت عمرها سنه.. زوجي اناني ومايفكر الا بنفسه ومستقبله ووناسته .. سنع مع الكل ويحرص انه يوجبهم لكن احنا متى مافرغ.. غير هذا حقوود ويحط بقلبه وماينسى ويفتخر بهالشيئ ويقول انا اذا احد سوالي شيئئ ماردها له بنفس الوقت لاا احتفظ فيها وارجعها بوقت ثاني .. احسه متحكم ومسيطر ويبي ينكد علي بأي طريقة ..اذا اخترب شيئ بالبيت ولاا بنتي خربت شوي يقولي ترى اخصم من مصروفك ومصروفي منه مثل معاش شغالتي!!!! احسه يعاملني كطفله .. غير هذذا اذا قعد بالبيت راح اعتزل بالصاله وسكر الباب وقعد يقابل ديسبرت هاوس وايفس!! ولا الشو تايم!! وانا وبنتي لحالنا بالصاله الثانيه .. وقبل مايدخل ينام بربع ساعه يجي عندي ويقولي يالله سولفي عشان ماتقولين اني ماسولف معاك!! بصراحة تعبت من هالعيشة ماحس اني زوجة ولاا احس بالمودة والرحمة والطمأنينه وينها :(
احس اني وحييدة وبروحي
مرات اكون متضايقه ولاا مبتلشه بامتحانات او بحوثي واقعد يصيح مايفكر يمسح على راسي او يواسيني او حتى يساعدني يقولي انتي خبله تصيحين!!! هذا رد
انا تعبت تعبت تعبت ماني عارفه شسوي مليت
المشكله احس مافي حافز اني اتقرب منه لاني ماحس اني انجذب له احس الي بينا العشره وبس بس بنفس الوقت مو راضيه بهالنمط وهالعيشه الي مالها طعم :(
احس كلامي مو واضح بس لاني تعبااانه نفسيا مادري شسوووي
واخر شيئ صار اكتشفت عنده افلام جنسيه بسي ديات والغريب محتفظ فيهم بظرف داخل درج الاوراق المهمه !! ويقولي انا انسان اخاف من ربي !!
شسوووي بخصوص هالموضووع بالذاات وشسوووي عشان اعيش حياة سعيدة وحلووة وعشان احب زوجي ابي حياتي تصير احلى بس ماني عارفه شسوووي :(