مو راضيه عن لغتي .. ونفسيتي كثير تعبانه .. ساعدوني الله يسعدكم !

اللــه يوفقك ويسهل لك دراستك ,,

انا اشتكي من نفس الحـالـة , كنت اتوقع اني بالانقلش شي ماحصل ..
لانه بأيام الدراسه كنت متفووقه بالمادة وبشهادة مدرستي بثالث ثانوي هي نصحتني ادخل انجليزي تقول لي هو مكااانك

بس وربي انصدمت بعد ما مر اسبووع من الدراسه <-- مستوى أول ادب

اكتشفت اني أكبر اكس بالانقلششششششش

احبااااط لأبعد الحدووود \ اذا مشى حالي هالمستوى راح اعديها ,, بس لو عكيت مادة

مابيشوفوون الا غباري ,, والمسألة كلها قضاء وقدر

معليش يا قلبي خشيت غلط في موضوعك , بس كنت احسب اني بلحالي بلشت بلغتي ,

اكتشفت انو كل القااعة نفس الحالة ,,, بإستثناء العايدات :icon28:

هونيها وأدعي ربك في هالشهر الكريـم انو يسهل لك وييسر لك فهم اللغه وبالتوووفيق يارب


اممممم نصيحة أخيرة , خذي الدكشنري وامسكي قطعة أو كلمات اغنية وترجميها ,

شوفي افلام ولا تطالعين بالترجمه , الكلمة اللي ما تفهمينها اكتبيها في دفتر ,

وارجعي ترجميها بعدين ,, " كنت اكتب الكلمات بالعربي وبعدين اسأل عن الاسبلنق واترجمها "

حسيت انو مستواي تحسن شوووي "موكثير :22: " مع اني ما كملت اسبووع ع هالحركه

واللــه يووووفقك يا سكر

ياحبيلكم هالقسم كان امنية ماحصلت لي حسبي الله على اللي كان السبب :(
ماعلينا 00 اهم شي تخرجنا :)
شووفو يااقلبي - اتذكرمره كنت اوولف مع خوالي وكان واحد منهم مخلص الجامعه بامريكا والثاني دكتور وواحد كان معيد في جامعه انقليش - وكانو يسولفوون عن الطرق المساعده لتعلم الانقليزيه اللي ساعدتهم ونفعتهم ؛ واحد منهم ضحكني بس ماااضره بالعكس نفعته الطريقه - تخيلي كان يجيب قصص الاطفاال اللي باللغه الانقليزيه - وكان يتابع قنوات كرتون اجنبيه - وبارني كانك تعرفينه كان مدمن عليه لانه برنامج تعليمي اصلا ونفعته على قووولته0
خالي الثااني الدكتوور كان اذا جت اخبر السي ان ان يكون معه ديكشنري ويقعد يلاحق الكلمات كلمه كلمه ماتتخيلين شلون كان في البداايه مايلحق الا على كلمتين ثلاث في الاخباار كلها - عقب كم سنه صااار يفت انقليزي بس السبيلينغ مازال مايضبطه مره - فصااار يسمع اخباار البي بي سي عالرادووو متى ماحصل له والكلمات اللي مايعرفها يكتبها باي سبيلنغ ويدوورها اذا سبيلنغها صحيح اوكي اذا مو نفس السبيلينغ ماكان يحبط لا يقعد يحوووس عليها لين يلقاااها 0
خالي الثالث اكبر خوالي هو وفي الخمسين الحين اسم الله عليه - يقوول كنت اول سنه اتعلم انقليزي قبل الجامعه - فكان كل ماخلصت الدرووس حقته يرووح يتز له في مكان - مره في سوبر ماركت ويقعد يطارد ورى كل حبة خضار وفاكهه والاقسام واللوحات المعلقه التوجيهيه خبرك - او يرتز في المكتبه ويقعد يحوووس على اقساام الكتب ويترجم الاسماااء ويقعد يترجم مقالات من جرايد طبعا ماكان مثل الحين مواقع تترجم لا كان هوو يفك الديكشنوري ويلاحق الكلمات ملاحق - وكان يلعب لعبه مدري تعرفينها ولا لاء اسمها( سكرابل ) على قوولته هذي اللعبه يعرفونها كل اللي يبون يتعلمون انقليزي بسرعه - كان كل يوم يلعبها هو والشباااب اللي كانو معه وكل يوم يتعلم كم كلمه جديده وطبعاا الراديو على طول شغال على الاذاعات الانقليزيه فكان يلحق معهم - بعد سنه يوم دخل الجامعه واختبرووه لقوو عنده حصيله ممتازه من الكلمااات فريحه هالشي في بدايته الجامعيه 00 مع انو بيني وبينك وهو يتكلم انقليزي كنه واحد اجنبي عايش في الرياااض - يعني يلكن الانقليزي نفس لعاميه اللي هنا :)
ايه تذكرت - قد قالي اخووي انه لما كان يدرس انقليش في بريطانياا كانو يقولوون لهم عن وسااائل مسااعده لتعلم اللغه من ضمنها غرف الدردشه اللي باللغه الانقليزيه - وفيه شخصيه الكترونيه اسمها سبيلك تقريبا تيفينها وتسوولفين معها يعني تقووين فيها السبيلنغ على طريقك :)
ودي اسااعدك اكثر بس والله هذا اللي عندي واعذريني ان مانفعك منهم شي 0

blue 4ever

لا نصيحه لا تطلعين ... حاولي تطويرين نفسك ... وصدقيني النجاااح هو استمرار الشيء


فخليك ناااجحه ولا تحبطين من بداايتها ...

فاصله ورديه

شكرا لك على تعقيبك الغلا .. وجزاك الله كل خييييييييييييييير

بس انا ولله الحمد عندي كلماااااااااات كثير .. بس المشكله اللي اوااجهها اني مااعرف اتكلم

يعني ماعندي اسلووب منطلق بالمحاادثه ...

اتمنى القى حل :(

^
^

هههه ذكرتيني بنفسي قبل فترة كنت اشتغل بمستشفى وكانوا يجون مرضى مايعرفون عربي كلشششششش
يعني لازم تتكلمين معه انجليزي عشان يفهمك
وتعالي شوفيني كيف كنت اتعصر في الاستقبال عشان اطلع جمله مفيده
انا مثلك عندي حصيلة كلمات لا بأس فيها لأني احاول اترجم اغلب وقتي
بس المحادثه اتوقع يبي لها احتكاك بالناس اكثر خصوصا النيتفز