أختي فلانـــــــــــــــــــة اذا كان هذا الرجال الي تقدملك سمعته زينه بعد ما سالتو عنه لا ترفضينه و أنصحك بكثرة قيام الليل و الدعاء بتوفيق بحياتك الزوجيه وقبل هذا الدعاء بتوفيق بالأخرة و ماراح الله يخيب ضنك لانك طلبتي ملتزم و تركتي الاول الا لنه يشرب خمر .
و يا أختي أذا وافقتي عليه حاولي انك تجذبينه لمك وتعينينه على الخير مثل قيام الليل الصدقه بر والديه زيارة اقاربه و الا اخره ممكن انك تتسببين له في اللتزام اذا كان مو ملتزم .
وما اقول الا الله يوفق ويسعدك في زواجك ولا تحكمين على حياتك بسبب تجربتك الاول مع تحيات أختك في الله شمعة نجد.

خواتي مشكورين على نصايحكم ودعواتكم .. وحاليا انا اصلي الاستخارة وبكل وقت وبعد كل صلاة وادعي بالتوفيق بالزواج وان شاء الله يتقبل مني دعائي ويفرج لي همي
بالنسبة لاختي دموع الندم صدقيني راضية باللي انقسم لي ودايما اقولها لامي بس من كثر ما تبي تفرح فيني تزن على راسي وايد بهالسالفة وادري كل شيء قسمة ونصيب وادري ان الله كتب لي حياتي قبل لا اعيشها وكل شيء مقدر ومكتوب بس ترددي بمسألت الزواج بعد تجربتي اللي هزتني وبعنف كبير
ومع اني راضية بما قسم لي بس احساسي بالكئابة من هالعريس غريب وعجيب عمري ما حسيت هالاحساس ما ادري ليش مو متقبلته وبصراحة اخاف اقول لاحد انه مو عاجبني لاني لحد الحين مو شايفة عليه شيء ولحد الحين اهلي يسئلون عنه يعني انا بس شفته ما ارتحت له احس ان دمه ثقيل وممل مع ان العريس بعد شباب واكبر مني بكم سنة بس ... ما ادري ليش هالاحساس
الله يعلم اني ما قلت هالمشكلة لاحد غيركم لاحساسي بمعزتكم بقلبي وكنت ابي اكبر قدر من الحلول يمكن اكون غلطانه

المشكلة الثانية ان ام العريس احنا نعرفها وتصير لامي من بعيد ودايما نشوفها ومن زمان وهي تبيني حق ولدها من سنين وبكل مناسبة عرس عزاء حفلة عشاء او رحلة حق بر او بحر تطلبني لولدها وبس تشوفني تتمني اكون عندها اليوم قبل باكر واشكثر حاولت سنين وسنين وانا كنت اطنشها بصراحة واضحك يعني مو ماخذه الموضوع جد ودايما من تشوفني تسلم علي تمسكني وتوقف معاي لحد ما تنتهي الحفلة او حتي العزاء .... (غريب ولا بس انا اللي شافة هالشيء)
عموما الحين السالفة ادخلت بالجد واهلي قاعدين يسئلون عنه وان شاء الله ... الله يقدم اللي فيه الخير والصالح

ياحبيبتي ( فلانه )

انتي استخيري الله سبحانه واتخيري اوقات الاجابه وبعدين وافقي 00

وصدقيني نصيحه لك لوجه الله انك توافقين ومو شرط انك تحسين براحه مثل ماقالولك البنات

انا اتذكر يوم تقدم لي زوجي الله يحفظه كنت متردده جدا جدا واستخرت كثير وماكنت مره مرتاحه لكن وكلت

امري لله بعد الاستخاره ووافقت عليه مع اني ااكدلك اني ماكنت مرتاحه 00 لكن الحمد لله تممها ربي لي على خير

لاني توكلت عليه والحمد لله احمد ربي دايم واشكره انه رزقني بهاالانسان الحبوب الطيب الله لايخلينا منه :24:

واسال الله سبحانه ان يوفقك ويسهل لك مرادك وان يرزقك باالزوج الصالح يارب واكثري من الدعاء

اختي العزيزه

إذا كنتي ترفضينه من الاول وعدم ارتياغحكي فافضيه تماما والله يعوضك خير

عندي اخت مثل مشكلت وكانت مو مرتاحه له من اول بس اجبرناها واقنعناها بالقوه

تزوجت وتتطلقت بعد سته شهور

وكل شي حلو فيه خلته شين لأنها هي ترفضه تماما

انتبهي اختي انتي بالبر الحين احسن ما تدخلين البحر وما تلاقين شي ينجدك وتغرغين وانتي ماره بمشكله انفصلا من قبل

احذري وفكري بعقلك مو بعقل اهلك او اقربائك او كلام الناس الى ما يجيب الى ورى.

وتحياتي وارجو السموحه .

انا اتقد ان سبب شعورك هو خوفك فقط
لاني بعرف حالة مشابهة :)

بالتالس اسألوا عن العريس جيدا
وشوفي ردت فعل
لو ارتحتي لصفاتو
وافقي وشجعي نفسك
على الاقل بتذكر الامومة:26:
والله يوفقك لما يحبه ويرضاه