مو عارفة شلون أنام ساعدوني(لكل وحدة مو عارفة تنام في الشهور الأخيرة)

والله أنج بنت حلال أنا أمس بالليل كنت أفكر أكتب عن هالموضوع لأني أعاني من نفس حالتج أنا الحين كم يوم وبدخل السادس وأعاني من نفس الحالة عدم المقدرة على النوم لأني من صغري متعودة أنام على بطني ومن دخلت الخامس أحس بألم شديد في ظهري كثير يعني مسبب لي أرق اقدر أنام الليل وصرت أداوم يوم وأربعة أيام أجازة والله حالتي حالة..
عودت نفسي أنام على ظهري بس من فترة سمعت بنات المنتدى يقولون مب زين النوم على الظهر أو البطن شيء من هالقبيل مب متأكدة وحاولت أنام على جنبي بس مب قادرة أحس بألم شديد على جوانب القفص الصدري ومن فترة أحس منطقة الصدر ناحية القفص الصدري بثقل غريب ومؤلم كأني حامله وزن رغم أن صدري صغير ماكبر إلا شي بسيط يعني مازلت ألبس ستيان مقاس 34 بس مدري وش السالفة نفسي البنات يطمنوني هل صار لهم نفس الشيء وشوهي الوضعية الصحيحة للنوم وما ممكن تؤذي الجنين ؟

للعلم أنا لاحظت من فترة لمن صرت أنام على ظهري البيبي يتحرك كثير ومن أغير الوضعية يعني أنام على الجنب يهدى وصرت أخاف عليه مدري هل هالشيء عادي وماعليه خوف ؟

بنات تكفون طمنوني لاني بكرية وماعندي خبرة في هالأمور..

أدري إني طولتها وهي قصيرة بس والله بنات أبغي أتطمن من مجرى الأمور ومنكم نستفيد ..

up

نفس الحاله امر فيها الان انا في السابع ولما بس شويه انسدح على ظهري يقوم البيبي الله يحفظه ويحتج اقوم واغير وضعيتي لجنبي اليسار واذا نمت على اليمين احس بثقل في جنبي وكتفي اليمين لذلك انام على جنبي اليسار

بنات والله الحال من بعضة
افضلوضعية للحامل هي النوم على الجنبين وينصح الأطباء النوم على الجنب الايسر عشان البيبي لايظغط على الكبد

اولا االله يهون عليكن - عيوني ورى متجربون وضع المخدة بين رجولكم لماتنامون على الجنب-او تحت الوركين لما تنامون على الظهر (هذا ماكانت تقوله لى الدكتوره لما كنت حملوشكيله نفس الوضع )