مو عارفه ايش فيني وايش اسوي .. مره تعبانه

السلام عليكم

يابنات وربي حتى وانا جالسه الحين بكتب لكم احس اني مو متحمله
يجيني شد برقبتي من جهة اليمين مرررره مؤلم

بقولكم سالفتي

اول شي انا ماشاء الله شعري طويل وكثير ( كان كثير )

وطبعا مافي احد ماتكلم فيه

حسبي الله ونعم الوكيل

المهم اني مهمله نفسي وكنت افتحه وعادي عندي

الحين وصلت لمرحلة خلاص

احس بالموت

توظفت وصرت بعيده عن اهلي

ومن بعد الوظيفه

احترق شعري وطاح كثييييييييييييير منه ( وقبله بيوم حلمت بوحده من صديقاتي عندي واني كنت امشط شعري بموس وطاح زي ماطاح بالحقيقه )


وطلع لي خراج براسي من بعد دورة حضرتها

في مدرسه كبيره وكان فيها معلمات كثييير


نفسيتي عدم

وطول وقتي متضايقه وطفشانه وحالتي حاله

طلع عندي تكيس بالمبايض

وطول عمري الدورة منتظمه عندي

الين الشهر اللي فات تلخبطت وطولت معاي

وبعدها باسبوعين رجعت ونزلت

وبعدها باسبوع رجعت نزلت

تخيلوا وربي خفت ,, صرت موسوسه وسوست بأكبر الاشياء وتخيلتها فيني وانهرت

وانا مخطوبه

يوم الاربعاء اللي فات

نمت المغرب

وصحيت بعدها بساعه .. خطيبي تأخر علي ماكلمني وزعلت

الموضوع بسيط

لكن فجأه تعبت مررررررررررره

صرت احس كأن روحي بتطلع

وربي احس اني بموت احس فيه شي بجسمي ينزل

ماادري كيف اوصف الاحساس

بس احس ان جسمي من داخل فيه شييييييي

زي لما يجي الهبوط بالضغط .. بس الاحساس هذا طوووول

صرت ماادري وين اروح

انا اهلي مو عندي وفي بيت جدي عايشه

رحت لخالتي ابغاها تلحقني احس اني اموت

المهم ورحت المستشفى معاها وانا بكى وحالتي حاله

الدكتوره كشفت علي تسألني ايش فيك ماادري ايش اقول لها
وصفت لها مافهمت

عطتني اكسجين ومغذي وسحبت دم قالت يمكن فقر دم

وطلع سليم الحمدلله ,, تقول لي انتي مافيك شي

وانا ابكي اقول لهم والله العظيم انا تعبانه ,, احس اني بموت احتاج احد يلحقني ,, احس فيني شي بس هي ماعرفت ايش اللي فيني

سوت لي تحليل سكر وغازات

وطلع سليم الحمدلله

قالت لي مافيك شي وعطتني فيتامين ومسكن

وطلعت

وصار فيني خوف من هالحاله

قلت لخطيبي شكل اللي جاني من الزعل عصب وقال لي كل شي تحملته إلا انك تحمليني سبب تعبك وعصبت من كلامه

وقلت له خلاص كلم امك تنهي الموضوع كله ( من عصبيتي )

ومن وقتها سحب عليييي

ورجعت له وصار يكلمني بطريقه موحلوه ومو معطيني وجه وقاسي علي بطريقه انا مو قادره اتحملها


المهم

قبل شوي كنت المفروض اروح الدوام

صحيت من نومي احس بنفس التعب اللي حسيته يوم الاربعاء بس على اخف

لكن خفت وحسيت بكتمه وضيقه وجلست مارحت دوامي

جلست اسمع للرقيه

واشرب مويه وافطر .. موعارفه اللي فيني من ايش

يابنات وربي الحاله اللي جاتني مرعبه ,, احس جسمي فاقد شي وكأنه شي ينزل من جسمي
واحس نفسي بموووت واتعب مررررررررره

والمشكله يقولون مافيك شي بالمستشفى

انا توقعت انها يمكن من الدوره مسببة لي كل هذا !!

ماادري ايش اللي فيني بالضبط

كل اوضاعي متلخبطه وموعارفه كيف برجع لدوامي

والمفروض اسافر لاهلي الاربعاء يوم الاجازه

بس انا اسافر لوحدي

واحس اني وانا بهالاوضاع ماراح اقدر لاني تعبانه يمكن تجيني هالحاله بالطياره وربي ماادري ايش اسوي


قولوا لي ايش اسوووووي

مره تعباااااااااانه
من هالحاله اللي تجيني
ومن الدوره اللي جننتني

حتى علاقتي بزوجي صايره زفت وكرهته فيني

كان طيب معاي وصار قاسي بطريقه صدمني فيها

تخيلوا امس يقول لي ماصرفوا لك حبوب وسوسه ؟

جننتني كلمته حسسني اني مجنونه


صرت مااطيق اتكلم معاه يحسسني انه فيني مرض نفسي

وانا وربي متأكده كل اللي فيني مرض روحي

شي واضح

بس خايفه مو عارفه ايش اسوي

وربي حتى موضوع عدم انتظام الدوره مرعبني

طمنوني

ولوفيه وحده زيي تقول لي ايش اسوي

ابغى ارجع زي قبل




على فكره
فيه معلمه كانت معاي بالمدرسه العام

مرتين تجيني وتقول لي فكي شعرك ( لاني صرت ارفعه )

وهالمعلمه ربي يكون بعونها .. ينقصها كثير ( يعني مو انسانه كامله )

وتخيلوا مرتين جاتني وتحرجني قدام معلمه ثانيه وتقول لي افتحي شعرك وريها
لاتخافين نذكر ربي

وانا من كثر ماتحرجني افتحه

صايره بس افكر فيها وتجي على بالي

احس ممكن فيني شي منها

ومن المدرسه اللي كنت فيها العام

لان هالمعلمه وربي نفسيتها من داخل مو تمام فيها شررر وتسوي مشاكل مع المعلمات وحقوده


شوروا علي ايش اسوي

وربي كل حياتي دمرانه

اللي مثلي المفروض تجهز لزواجها وانا صايره منهاره ومسكين خطيبي وربي جبت له الهم مايشوف معاي يوم حلو

لدرجة ان الرجال وصل حده مني

ساعدوووووني

كيف اخذ من اثر الناس اللي شاكه فيهم

نفسي اخذ من اثر اللي شفتهم بالدوره

والمدرسه اللي كنت ادرس فيها قبل
وحتى هذي اللي انا فيها

لاني وربي تعبانه مو عارفه البلا اللي فيني من وين


ساعدوني

المشكله الشيخ قال لي افضل شي تخلين اللي اصابك بالعين يتوضأ لك

بالله كيف اقول للعالم تتوضى لي

عطوني حل

عطوني برنامج امشي عليه قبل مااتدمر اكثرر

تكفون .. وربي من توظفت وبعدت عن اهلي صايره وحيده
ماعندي احد وحتى الوظيفه بموت واتركها
بس امي مو راضيه


وربي بدعي لكم من قبلي

وتذكروا من فرج على مؤمن كربة من كرب الدنيا فرج الله عنه كربة من كرب يوم القيامة

وانا وربي امر بأسوء مرحلة في حياتي

مع انها المفروض تكون احلى مرحلة لانها بداية حياتي مع خطيبي

بس انا العكس تمام

ساعدوني قبل مااضيع كل شي بحياتي

وادعوا لي وربي محتاجه دعواتكم

وادعوا لابوي
لانه مريض
وشاكين بالخدامه

لانها من بعد ماراحت وهو تعب ,,
ولقيناها مسويه اسحار في البيت

حسبي الله ونعم الوكيل

يارب شافي ابوي وشافيني وشافي كل مريض يارب العرش العظيم ياررررب





ادري طولت مره

انتظركم