مو فاهمه شي احد يفهمني!

السلام عليكم ورحمة الله ،،موضوعي طويل شوي أعتذر
لكن بنات انا تعبت من التفكير حرفياً مشكلتي هي اني تعرفت على وحده وصرنا صديقات وبالصدفه طلعت هي أكبر مني وكنت اول ماعرفتها مره صغيره كانت اي شي تبغاه تخليني اسويه وانا كنت اسويه تخيلوا ان الكل كان يتكلم عني!المعلمات يقولون تغيرتي ماصرتي نفس قبل و البنات يقولون نفس الشي وانا كنت اتحمل واسكت بس اهم شي نبقى صديقات وكنت بإختصار ع نياتي وبقوه ،،بس الغريب ان محد تكلم فيها هي ب هذا الشكل انا دايم الي كانوا يلقون اللوم علي وانك تغيرتي وهي محد يقول لها شي وش السبب!!؟انا زعلانه ع شي واحد ما احب اكسر احد او اضره وجاء يوم وتعرفت ع صاحبه وجت عندي تقولي اتركيها انا اعرف البنت مو كويسه وقلت لها وش سوت طيب ورفضت تقولي وبعدين قالت لي روحي عندها وقولي ما ابغا نبقى صديقات واتركيها وقلت لها مقدر اقولها كذا حتى لو انها سيئه بتنجرح قالت لي لا عادي وطبعاً ماقدرت وقلت لصحبتي الموضوع قالت خلاص معليك انا بقولها وراحت قالت لها ولمن جت صحبتي تقولي انها زعلت وتحسست رحت بنفسي واعتذرت لها بس ان البنت حقدت علي وصارت تطلع عني كلام مو كويس في كل مكان😔وكنت اقول لصحبتي الي اكبر مني خلينا نترك بعض ماجاء من صداقتنا الا المشاكل ومبغى أضر احد او اشوه سمعتي ورفضت وتمسكت فيني وجلسنا صديقات لين ماهي تخرجت طبعاً المهم لمن بديت استوعب كل ماكبرت ان الي سويته طول السنين ذيك غلط تغير تفكيري ووقتها كنت امر بضغط لا يعلم فيه الا ربي وكنت ما اتفرغ للجوال ورب المصحف وكانت تزعل تقول وينك وليه ساحبه علي ونسيتينيواذا طلبت شي مني اقولها لا معليش ما اقدر كانت تزعل لأنها تتوقع بسوي كل الي تبغى نفس قبل
وبديت اتضايق يعني الواحد عنده شغل ليه ماتعذرني؟وبعدها بفتره طويله الحمدلله مر الي كنت فيه ورجعت اعتذرت منها وقلت كنت مضغوطه من كثير نواحي وقالت لي حصل خير لكن انها صارت شخص غريب بتقولون مشغوله زيك لا والله لو تشوفون الي شفته بتعذروني صارت عصبيه وماتكلمني بااسلوب كويس واقولها انتبهي لاسلوبك تقول قولي مره وحده ماعندك أسلوب يافلانه!؟؟
وانا ما اقصد كذا وجت ف يوم تسألني سؤال مره شخصي ماراح اذكره المهم قلت نعم وش ذا السؤال قالت والله ما اسامحك لو كذبتي ف الجواب لاني بجلس افكر!!!بنات هل هي فيها شي او انا ادقق؟؟المهم وزعلت مره بعد هذه الكلمه ورحت صليت ودعيت والله ما انسى ذاك اليوم قلت يارب لو علاقتنا فيها شر اصرفها عنا ونمت وصحيت يابنات ما ابغاها وعافها قلبي وافتح الجوال الا والاقي منها رساله قالت لي انا كنت أكابر واشوف وش بتسوين وكنت اشوفك طول الوقت وخايفه لاني اذيتك وحتى اشوفك ب أحلامي انا سويت اني اقدر عليك بس ماقدرت عشان كذا كنت معاك كذا لكن خلينا نرجع طبيعين انا قلت خلاص انتهى كل شي انتي بطريق وانا بطريق والله يابنات وربي يعلم بكل حرف كتبته انها بغت تنجلط والله يخليك انا ولا شي بدونك واسفه ووووو وقلت لا انتهى وخلاص بلكتني هي ومر سنه تقريبا وفكت البلوك وجت تكلمني وتسأل عنيوكنت ارد عادي وقالت لي خلينا نرجع صحبات واوعدك غلطي الي قبل ما اكرره وجلست تضغط علي وانا قلت خلاص بسامحها💔 ورجعنا صحبات و جاء يوم وكنت بعز ضيقتي وتعبي وكنت احتاج فتره اجلس لوحدي وانا لو قلت لها ابغا اجلس لوحدي ماراح تتركني وراح تسأل وش فيك وانا فيني اشياء وضغوطات بالبيت مبغى اقولها لاحد وجلست ترسل ترسل وينك وينك وقلت لها خلاص مبغى ارد وبروح وزعلت مره مني بس كنت ابغا وقت لنفسي يابنات وهي مره ماتخليني اسوي شي واعتذرت منها قلت كنت تعبانه قالت انتي حياتك مو نفس حياتي وكل شي مختلفين فيه وانتي صفحه ورميتها من زمان وانتي كنتي أملي وخيبتيه وانا عندي صديقات الحين وجت تصور لي صحبتها وهي تكلمها ومدلعتها ومدري وشبنات انا مايهمني لو تصاحب كل الي بالعالم انا الي يهمني هل انا غلطت بحقها؟ هل كسرتها فعلاً زي ماتقول؟ انا مبغى اظلم شخص ولا ابغا انام وانا ظالمه بس مخي ماعاد يفكر قلتلها خلاص الله يوفقك واسفه إذا زعلتك ب شي قالت سامحتك لكن مقدر انسى يوم تقولين ليه تكلميني ب هذا الأسلوب طيب صدق اسلوبها كان غريب!ومرات تجي عندي تكلمني بعدين تقول خلينا نرجع صديقات ومرات تقول خلاص ما ابغاك وتقول انا مو فاهمه نفسي ووش ابغا ومره بلكتني وتقابلنا بمكان صدفه ولمن رجعت البيت لقيتها فكت البلوك وتقول انا فكيته لاني اعرف انك بتشوفين بنات ساعدوني تعبت هي ليه كذا اتركها ولا اتكلم معاها ولا ايش اسوي بالضبط الي بترد رد طيب الله يطيب خاطرها والي بتنصحني الله يرزقها