مو قادرة اسمر

تذكري حلفك بالمصحف وتخيلي وش بيصير فيك اذا اخلفتي 😂😂😂 انا كذا عشان كذا انا انفذ الوعد هههههههههه

وتناسي

حلفت وكتبت حلفي ع الدفتر عشان اذكر وأقرأ لكن اخخخخ ماني قادرة اتحمل الله المستعان كملت ٣ ايام لبن وزبادي ٣ ايام وخرجت اليوم جبت انواع الفواكه ل ٣ ايام لكككنن ابغى الممنوع

اذا جتك شهوه الاكل قومي اشربي ماء بارد مع ليمون وامشي مشي سريع لمده نصف ساعه مجربه

رحت بحثت عن الرجيم اللي تقصدينه ولقيته عباره عن حرمان وعذاب نفسي
ترى النحافه ونزول الوزن لا يعني انك تجوعين نفسك وتعاقبين نفسك
لو بس تخففين كمية الرز والمكرونه والخبز لنص الكميه اللي تاكلينها بالعاده لكفاك واغناك عن مليون رجيم
وعشان تعوضين نقص كمية الرز والمكرونه والخبز لازم تعوضينها بطبق سلطة خضراء تاكلينه جنب الوجبه
ولازم وجبتك يكون فيها كمية بروتين كويسه لان لو نقصتي البروتين راح تبقين طول الوقت مشتهيه الاكل او تحسين بالجوع
ولا تدخلين بيتك شبسات وحلويات ومسليات لانك راح تضعفين قدامها حتى لو انك شبعانه نفسك راح تطلبك تقضين عليها
واحنا بنات نعرف ان بعض ايام الشهر النفسيه لحالها تقلب وحم نشتهي الحلا والموالح والاكل هذا شي طبيعي لكن لا تستسلمين طول الايام اول شي جربي اشربي كوب كبير ماء وقومي امشي او غيري مكانك لان احياناً الفراغ وقلة شرب الماء تخليك تشوفين الاكل هو مصدر السعاده الوحيد ومصدر تمضية الوقت ومصدر تجميل السهر والجلسه فلازم تشربين مويه كثير وتشوفين لك شي يشغلك
وحاولي ان اكلك يكون صحي ومغذي فيه اغلب الفيتامينات والمعادن لان نقصها يرجع عليك بطريقه عكسيه ويسبب لك هذي اللخبطه والحوسه احياناً