اولا حبيبتي ماينفع هوه يكون عارف او حاسس انك عارفة وساكتة.. هوه راح يفهم انك راضية وراح يتمادى معاها او مع غيرها.. فيا تهدديه او تخلي احد من اهلك او اهله يكلمه.
ثانيا انتي ماتدري ايش هوه قايلها.. يمكن هيه ماتدري انه متزوج.. يعني شوفي اقري الايميلات تاني او واجهيه وافهمي نوعية العلاقة اللي بينهم.
ثالثا في قصة لجارتنا مشابهة لقصتك ويمكن تفيدك
زوجها بحكم عمله بيحتك مع سيدات واتعرف على وحدة منهم وسارت بينهم علاقة
وجارتنا ماتدري ولا عن اي شي ولا حست بشي
وفي يوم من الايام اعترفلها زوجها بكل شي وقالها: انا حتزوجها!!!
طبعا هيه انجنت وسألته وعرفت كل شي عنها
اخدت رقم جوالها وكلمتها وهددتها... لكن البنت كانت ترد عليهاتقولها: انا حاخده غصبا عنك وحاخليكي تبكي دممم!!!
وراحت جارتنا كلمت اخوانها وسالوا عن البنت طلعت سمعتها زفتتتت وسيرتها على كل لسان
فراحت قالت لزوجها كيف تدخل وحدة زي دي بيتك وانت عندك بنات وصبيان وبكرة سمعتك تسير في الارض ومن دا الكلام...
المهم انه اقتنع
وطبعا طبعا مع الدعااااء والصلاااااة في اليل تقول ماكانت تنام
سار هوه يقولها انا سرت مني طايقها
وماشاء الله دحين سمن على عسل
والله يكون في عونك ويصرفها عنكم ويرجعلك زوجك ياااااارب..
الصفحة الأخيرة
الله يفقع عيونه هو مو هي