عليك في خالتك وبناتها قولي لهم نفس كلام امهم لك لين تموت وتلحق جدتك من القهر الله يقهرها في نفسها يارب

ليش طيب!!!
وش ذنب بناتهم!
حتى في الشرع لاتزر وازره وزر أخرى!

على بالك بترتاح هي لما تتسبب في
كسر نفس طفله بريئه!
مستحيل.

طبيعي انك مانسيتي لان الكلام الجارح والتنمر خصوصاّ اذا كان من ناس قريبين يوجع ويعلق بالقلب لاتتعبين نفسك وتدورين على الاسباب احياناّ بعض الناس يكون فيهم قسوه بدون سبب
اذا سامحتي لك الأجر وان ماقدرتي هذا حقك وكل شخص بياخذ جزاته عند ربي لكن حاولي تنسين عشان راحتك انتي عيشي حياتك ولا تخلين الذكريات تاخذ من عمرك اكثر الماضي صار وانتهى لكن المستقبل بيدك انتي

صصراحة انتي ما سويتي شيء يستحق كل هذافعلا بعض الناس قلوبهم مؤذية ويختارون أضعف شخص بالعائلة يطلعون فيه قسوتهموالطفلة اللي داخلك للحين تتساءل ليش لأنها كانت بريئة فقط

والى متى بتجلسين تفضفضين ؟
سنه سنتين عشرين او كم ؟
عمرك وصل 32 سنه يعني وصلتي سن النضج وانتي مقضيتها فضفضه وتساؤولات كيف وليش وابي اعرف السبب بس اعطوني سبب بس فهموني بس اقنعوني !
طيب وبعدين ؟
اللي صار صار وخلص وانتهى وانتي قاطعتيهم من سنين طويله والجده ماتت الله يرحمها ويغفر لها
والناس كملو حياتهم وكبرو وانجزو وانتي بعدك واقفه بزمن الماضي ايام الطفوله والمراهقه
وش تنتظرين بالضبط ؟
وش تبين يتغير عشان تتخطين وتعيشين طبيعي بلا مظلوميات ؟
ما اقلل من حجم الألم اللي حسيتي فيه بهذاك الزمان لكن الى متى ؟
واذا عرفتي سبب كرههم وش تستفيدين وش راح يتغير في حياتك ؟
ترى احياناً بعض الاهالي يسيئون معاملة الاطفال بسبب أمهم أو أبوهم يكونون مو متقبلينه او بينهم خلافات قديمه ويصيرون يعاملون اطفالهم بكراهيه
ماعلينا من كل هذا ولا يهم السبب
المهم انتي الحين تصحين من غفلتك وتسحبين نفسك من وحل الماضي لان فعلياً اللي حصل خلص وانتهى وكان ايام الطفوله والمراهقه واغلبنا مرينا بأشياء تشبه اللي مريتي فيه ويمكن اقوى منها لكن الفرق اننا عرفنا نتخطاها ونكبر عقولنا ونعفو ونسامح عشان انفسنا مو عشان احد
ولان الانسان يغلط لكن هذا الغلط ما يمحي كل شي حلو فيه
ولاننا يمكن كذلك نغلط وراح نحتاج ان الناس تسامحنا وتعفو عنا
احنا نعيش في الحياة الدنيا ما نعيش في جنة الفردوس
يعني معرضين للزلات والهفوات وجزء من نضجنا وتطورنا اننا نمر بتجارب بعضها يكون صعب ويصدمنا عشان نتطور وننضج اكثر مو عشان نجلس نبكي على اطلال الماضي وكأن الحياه بكبرها مافيها مصايب ومشاكل الا هذاك اليوم اللي يوم كنا صغار وجدتنا هاوشتنا او عايرتنا وفشلتنا قدام الناس
انضجي ... ترى الحياه ماتوقف تنتظرك متى تروقين عشان تكمل تراها ماشيه ماشيه وانتي اللي تقررين تهدرين عمرك وترخين اذنك لوساوس الشيطان او تقوين وتنضجين وتكملين حياتك بتسامح