مو قادره احب زوجي

طبعن بعد خيانه زوجي لي عن طريق إضافات بنات بلسناب وانا واثقه فيه وجواله فيه رقم سري ولا اعرفه ولا افكر فيوم اعرفه اهو من صار يوصل كريم اخترب من كثر مايشوف أشكال وألوان من الي يركبون طبعن الحين عقب ماكشفته وقريت كل شي فجواله من محادثات مع البنات كرهته حيل وكله يبي متابعين وكاتب حق وحده من زمان ماشفتي سنابي قلبي وفيه بعد بلاوي انا قمت حذفت جميع البنات الي عنده كلهم وقلت له جوالك يكون مفتوح على طول قال تم واعتذر لي وقال لي انا غلطان مو قصدي أخونك بس تعرفين زوجك افري عادي مع اي احد وبس مجرد فضول ليس خيانه لش بس انا انصدمت فيه وصرت ماحبه زي قبل حتى اقول بعيش حياتي لنفسي من لبس واهتمام مو حقه اهو يقول انا احبش وصاينش بس مجرد فضول لا اكثر وإذا على كلمه قلبي كلمه طلعت عفويه طاح من عيني ويش الي يخليه يسوي كذا بالرغم مو مقصره معاه فشي حتى اهو يقول مامنك اقصور ابد منصدمه اناااا ومقهورة ضفت بنات وسكتنا تسولف معاهم ويسولفون معاك على الآقل قول لهم انا متزوج ومالي اسولف مجرد بس اتابعكم هذا الكلام الي ينقال وساعات بعض البنات يحطون مقاطع وزوجي يكلمهم يرسلون له حتى يحطهم اسناب زبده الموضوع هنا ركزو على هذا الكلام مو قادره احبه زي قبل كارهتنه لان كسرني وصدمني وهو يفكر الموضوع عادي وانتهى بحكم انه صارحني بعد الخيانه يقول مجرد متابعين مجرد دردشه تبين تطلقين عشان دردشه لان كنت بنفصل عنه بس فكرت ب أطفالي اعوذ بالله من الشيطان احيانا أكون عادي وأحيانا تجيني حره ولا ادري شالحل كيف أعالج نفسيتي وأنسى مو قادره مو قادره صعبه على الوحده تنصدم بزوجها ابو اولادها