مو قادره احصل وقت لنفسي فزعتكم يابنات

و عليكم السلام و رحمة الله 
أولا الحمد لله على سلامتك 
ثانيا طبيعي اللخطبه في الشهور الأولى وقلة النوم
حاولي تنظمي النوم  وتاخدي لو دقايق هدوء واسترخاء حتى تجديدي نشاطك
وخلي القرآن مفتوح على طول

حمد الله على سلامتك

لا تفكرى كثير وتحبطى نفسك طبيعى بعد الولاده الامور تكون ملخبطة النوم والتنظيف والطبخ من كله

فمتزيديش تعبك بالتفكير اهم شئ تنظيم النوم للبنات وانك تاخدى قسط وافى من النوم

اتركى الامور للشغالة لفترة وانتى اشرفى عليها وحطى لمساتك وخلى نص ساعة يوميا تستغليها بترتيب

ركن مش مرتاحة له جزء من دولاب او درج

بخصوص عنايتك بنفسك استغلى ساعة مرتين بالاسبوع اما صباحا قبل استيقاظ البنات او ليلا بعد نومهم ونوم زوجك

اعملى ماسك للوجه وحمام زيت او كريم للشعر واسترخى او تابعى النت او التى فى وبعدها شاور دافى

مع تقشير وترطيب وتعطير واهتمى بتغذيتك وفيتاميناتك

اهتمامك ببناتك خلى لك ساعة قبل نومهم تكون مشاركة بينك وبين زوجك العبى معهم واقرى للكبيرة

قصة بسيطه مصورة واذكار النوم ووقت الطبخ خدى الكبيرة معك واشتغلى وانتى تلاعبيها

اما الصغيرة فاهتمامك ارضاع وتغيير بس وانتى هادية ومبتسمة

زوجك حسب وقت رجوعه ونظامه عالاقل مرة او اثنين بالاسوع جهزى سهرة هاديه لكن باشكال

مختلفة يعنى مرة على عشا يحبه ومرة خفايف مع حلا مميز ومرة كيك وعصير

ومرة فواكهه وملابسك كل مره بشكل منه تجديد لك وله بس بدون مبالغة او ارهاق لك

ونوعى بالجلسة مره اذا له هواية شاركيه فيها وامره ذا يتابع التى فى تابعى معه او يقرا او سوالف

مع بعض واذا رحتى لاهلك خلى البنات عندهم واخرجوا لحالكم

الله يسعدك ويوفقك وان شاء الله فترة وتعدى وامورك تتيسر وتلاقى بناتك عرايس جنبك

الله يعينك نفس حوسة اختي قبل سنه بس نظمت وقتها
مؤمنه تماما ان التكنلوجيا والمنظمات ريحت ناس كثير
ما قلتي اعمار بناتك الثانيات
يدرسون او لا عشان نقدر نقسم وقتك
اول شي نظمي وصفي مخك هذا اهم شي لا تحطين بمخك انه شي صعب حطيه بمخك انو استمتاع
العصبيه والصراخ على الصغار يزيد ضغطك ضغط
لما تبدين ترتبين البيت حطي بمخك انا ابي اتحرك ك رياضه عشان انحف
اختي تحط سماعات وتمشي وترقص وحاطه ولدها بسريره قدامها السرير اللي يهز من نفسه
بعد الاربعين قررت كل المواعين بلاستك وورق والمنيوم
جابت بوكسات صناديق لعيالها كل واحد يلم اغراضه مع انهم كانوا وحده بثاني ابتدائي والصغير ب كي جي ١
ثلاث سنين ونص اللي يرتب سريره ويرتب الصاله ولا يساعدها بالسفره تعطيه الايباد
طبعا نظام الرشوه حلاوه معد ينفع مع الصغار فهي تسحب ايباداتهم واذا صلحوا اشياء كويسه تعطيهم
طبغا الغساله فل توماتيك
واشترت غسالة صحون ومكنسة كهرباء الدائريه اللي تكنس من نفسها
تصحى من النوم تحط بشعرها زيت والا الخرابيط
وتحط خلطات بجسمها ومخصصه بجامه لهالاشياء تفطرهم ويروحون للمدرسه ترتب اللي حاسته
الصباح بس
بالطبخ هذا النظام حتى ببيتنا عندنا فريزر نسميها فريزر الخضار
اذا جاتك الشغاله خليها تقطع الخظار البطاطس والجزر وهالاشياء وتكيس حق كمية كل يوم
الطماطم افرمي كميه بالبخلاط وحطيها بمرطبانات بالفريزر والبصل نفس الشي
والثوم نفس الشي مع ان ببنده والدانوب يبيعونه مفروم
ويبيعون خظار كذا مقطعه جاهزه
الدجاج خذي طازج مقطع ولا خلي الشغاله تقطع وتكيس
اهم شي التكييس صغاار على قد وجبه
يعني لو بتطبخين تطلعين مثلا كيس لحم وكيس بطاطس وكيس جزر وكيس كوسه
كذا خلاص معد يرجع الفريزر شي لان الكميه حقت يوم
هالطريقه والله مريحتنا اكثر شي لاحظته برمضان لما يقولون الناس نبدا نطبخ من الظهر استغرب
ما نبدا نطبخ الا قبل الصلاة بنص ساعه لان كل شي جاهز
وفيه اشوف خاصه الموظفات يطبخون ايدام مثلا يكفي يومين ثلاثه ويحطونه بالفريزر
ما احب هالطريقه بس كثير يصلحونها
وعيالك حاولي بالليل تكرفينهم يساعدونك ويتحركون وكذا عشان يدوخون وينامون وتتفرغين لابوهم
البيبي حمميها زيتيها بزيت جونسن دلكيها شربيها يانسون مع سكر نبات بتنام نومه مريحه
يا رب اكون افدتك
انتي بس استمتعي واعرفي ان اللي تصلحينه بفايده اولا لو حطيتي خلطات بجسمك مع الحركه بتحرقين دهون
وتعرقين ومنها بتتفتح المسام ويستفيد الجسم اكثر من اللي حاطته بجسمك
حاولي تخلين زوجك يساعدك بطريقه مو مباشره
لان طريقة ساعدني ما تنفع مع العرب ههههههه
مثلا حممتي الصغاراذا خلصتي وحده تكونين مجهزه ملابسها قولي روحي لابوك يلبسك
ولا قولي لبسها بحمم الثانيه
عطيه الصغيره قولي رضعها بروح اصلح شغله
ترى بجد اكتشفت الرجال يحبون هالاشياء ويتعلقون بصغارهم اكثر
حتى لو تمنعوا بالبدايه تلاقينهم يصلحونها بعدين

الله يقومك بالسلامه
حاليا لاتشيلي هم شي
لاحقه عالكرف والتعب
ان لنفسك عليك حق
خلصي شهرين بعد النفاس يادوب تريحين وتتعودين عالبيبي 
وتتعودين عالوضع الجديد
وبخلال فترة الاربعين لاتمسكين شي اهتمي بتغذيتك كويس
وبعدها امسكي اشغال بسيطه 

كل الحريم كذا لازم لخبطه اول شهرين او ثلاثه بعدها تزين الامور...