تعبك لانك تبين تغيرين طبيعتك اللي الله خلقك عليها
ليش شايفة الحساسية أمر محرج لازم تمحينه تماما وانتي عارفة أن هذا الشي مستحيل

الحساسين هم ناس عندهم احساس دائم بالآخرين يخافون يجرحون غيرهم يراعون مشاعر الناس
صح أنه متعب الوقوف عند كل كلمة وموقف واعطائها أهمية
عشان كذا عالجي العوائق اللي تتقاطع مع شخصيتك
انتي تبين حلول غير واقعية
الواقعية انك تعرفين أن الله خلقك بهذي الطبيعة الحساسة
والحساس جدا العلاقات العميقة ما تناسبه لأن لا الناس راح تترك طبيعتها عشان تراعي شخصيتك ولا شخصيتك وان ضغطتي عليها لفترة بتتقبل طبيعتهم اللي تستنزف كثير من طاقتك واحاسيسك

لذلك اول حاجة انك تتقبلين أن الله خلقك بهذي الطبيعة وان حساسيتك من الناس هي تركيبة فيك مو لعيب فيهم حتى لو عندهم بعض الأخطاء
حتى مثلا ما تدخلين ب دور الضحية وتدخلين بصراعات تزيد نفسيتك سوء وليش الناس يسوون فيني كذا وانا مظلومة ووو

ثانيا قوي علاقتك بنفسك بحيث يكون عندك هوايات تستمتعين فيها وأما علاقتك بالناس فتكون مجرد للاستمتاع اللحظي بدون تعميق علاقات

ثالثا الناس اللي اطباعهم خشنة مايناسبونك ابد فابعدي عنهم

وتذكري الحياة بسيطة اهم شي ارضاءك لربك وعدم ظلم الناس واستقرار نفسك

اذا طلعتي من الدنيا بذولا وافنيتي عمرك وانتي محققة هالشي فانتي نجحتي

مو لازم تكوّني علاقات و
مو لازم تجهدي عمرك تكوني صخرة ماعندها احساس عشان تحسي انك قادرة تعيشي 
مافيها شي لو عشتي حساسة وطلعتي من الدنيا حساسة
الاهم انك ماتعيشي صراعات عشان هالموضوع
الله خلق وفرق بالشخصيات
حتى لو خلفتي بكرة وجبتي اطفال وانعرفتي بينهم ب رقتك وحساسيتك بالعكس والله إنه شي مميز وجميل ولا فيه عيب بالعكس دليل حنية و رقة 

اهم شي تعرفي تديري مشاعرك زين بحيث ماتخلي المواقف تعطل حياتك
عادي لو زعلتي من موقف وبكيتي شوي ثم قمتي واكملتي حياتك
لا الدنيا بتتوقف ولا أهدافك بتتعطل


ابو ذر رضي الله عنه عاش وحيد كان يقول أنا مااقدر اتحمل الناس ولا الناس تقدر تتحملني لانه مايقدر يشوف خطأ ويسكت ولا الناس تتحمل توجيهه في كل صغيرة وكبيرة
فشاف أن الأنسب أن يعتزل الناس ويعيش بطريقة تناسبه

والله إن الحياة بسيطة وجميلة وهينة اذا عرفنا وش يناسبنا وش اللي مايناسبنا
واهم شي عندنا اهداف نرسم لها طريق يناسب شخصياتنا للوصول له بدون مانصعبها ع أنفسنا

وتحياتي لك ي جميلة

اللي تحسين فيه طبيعي لانك انسانه وعايشه ومتربيه في هذي البيئه ٢٤ ساعه
بس الغلط انك تلومين حالك
الغلط فيهم مو فيك حاولي تسوين اشياء تحبينها حاولين تسوين رياضه تعطيك مليون وتغير نفسيتك
حاولي ماتفكرين باللي راح قد ماتقدرين
انتي تستاهلين تعيشين احلا عيشه لما انتي تقررين

عارفة وين المشكلة؟ انك عارفة مشكلتك بالضبط ولكن مش قادرة تساعدي نفسك الحل بيدك بعد الله حاولي تطوري من نفسك وتطلعي من الاكتئاب وبما انك حساسةحاولي اقل شي ما تكبري الامور لأن مشكلة الحساس تضخيم الامور فلو سمعتي كلمة او تعرضتي لموقف طنشي وما تفكري فيه كتير