مو قادره انسي واشلون اخليه يعترف

حبيباتي في هذا العالم الرائع
السلام عليكم ورحمة الله وبركاته
انا من قبل ثلاث سنين زوجي تغير علي من انسان متدين وملتحي الي انسان اخر انقلب 180 درجة حلق لحيته وقام مايصلي وووو
المهم صبرت وتحملت لانني احبه
وبعد مرور الثلاث سنين زوجي سافر الي احدي الدول الخليجية واخبرني بان به ورم بالقولون منذ سنة وهذا الورم جاءه من سحر وراح علي شيخ في احدي الدول الخليجة يقري عليه وطلع السحر وشفي انا لما اهو سافر انا زعلت عند اهلي لان امي علمت بانه ما ينام عندنا طبعا سالفت انه مسحور محد صدقه لانه له سوابق بالكذب واهو سوي السالفة انه مسحور اعتقد علشان محد يحاسبه علي افعاله
انا كل هذا مايهمني اهو اكيد خاني خلال هالثلاث سنين وكنت اجيب له دليل لكنه ينكر وبشدة واصيب بخيبة الامل
حاليا يقولي ان اللي كان فيه سحر وتعدل ويبي يرجع مثل اول لكن اللي يقهرني اذكره بخياناته لكنه ينكر انا ما اقدر اعيش معاه واهو ينكر ابيه يعترف علشان ارتاح طبعا قلت له انا ما ارتاح الا لما تخبرني بالحقيقة وقلت له انت سبب دماري واصبحت لا اثق بك
بنات انا قربت انجن كلما اذكره بموقف يطلع نفسه
واشلون اكشف خياناته
ناويه احلفه بالقران بس اهو اعتقد يمكن يحلف كذب لانه ما خذ قاعده الكذب علي الزوجة يجوز ما ادري من وين ماخذ هالفتوى
ادري في بعضكم راح يقولي خلاص انسي الماضي مادام يبي يتسنع حاولت انسي من زمان بس ماقدرت
انا احبه وما اقدر اتخلي عنه وعندي منه 3 اطفال ياليت تفيدوني واشلون اخليه يعترف لي