مو كل الدنيا ازواجنا

السلام عليكم

اخواتي حوائيات بصراحه انا اشوف قسم حياة اسريه سعيده اشوفه كله مشااااااااااااااااكل مع الازواج وكله هم وضيقة صدر وكله نكد

ابي اقولكم معلومه مهمه جدا لا تحطين زوجك كل حياتك وحياتك متمركزه فيه معليش ترا هذا يطفش الرجال وحتى الحرمه دايم متنكده ومغتثه

انا لاحظت ندرة وقله المواضيع المبهجه في هذا القسم


احب اقولكم اللي تحس انها بتنفجر او بتفقع مرارتها من زوجها وودها تقول له شي في قلبها ويقرقع

اول شي روحي سوي كيكه او حلا وحطيهم له وتزيني وتعدلي وتناقشوا بهدؤ واذا رفض او عصب لا تزعلين طنشيه وكملي قهوتك وتعوذي من ابليس اذا اصلا هو ماشافك تردين ترى حتى لو طلع والله بيفكر في كلامك :35:

وانتي كملي مع عيالك وعادي حتى اذا جا سوي كان مافي قلبك شي

والله بيتغير عقبها صدقوني بس المراد ورفع الصوت والله مايجيب الا العناد

واذا انتي شكيتي في زوجك انتبهي تقولين له شي الا اذا كان معاك دليل مثل صورة محادثه او ايميل او اي شي يكون فيه دليل محسوس

لان اذا فتحتي الموضوع وانتي ماعندك دليل بتنقلب عليك كل السالفه وبيطلعك الغلطانه ومثل مشاكل الخيانات سواء الكترونيه او هاتفيه لازم الدليل يكون معاك ويكون شي كبير ومثل هالمشاكل مو من اول مره تقولين خاني <<< مو اول دليل

لا لازم هالمشاكل من خيانات لازم تطولين بالك في المراقبه صح بتتعبين بس هذي المشاكل تخرب البيوت

ولازم على كل وحده تعرف طبيعة عمل زوجها هل فيه بنات معاهم والالا مو وحده تلقى اسم ورقم وحده من البنات وتشب فيه لا غلط لانها اول شي بتطيح من عين زوجها والان اغلب الوظائف فيها اختلاط

ومنها :: المستشفيات سواء دكاتره او ممرضين او فنيين او اداريين

والشركات كذلك فيها اختلاط

ومدينة الملك عبدالعزيز للعلوم والتقنيه


الوحده لازم تتثبت قبل الاتهام

واذا تبين تقولين اي شي لزوجك يكون بالتفاهم وبالحب صدقوني احسن من الصراخ ويفضل تكون في غرفة النوم بعيدا عن الاطفال لان بعد نفسياتهم تتأذى :04:

بنات مو في لحظه او غلطه صغيره تنسون كل شي سووه لكم ازواجكم انتبهوا ومو كل شي يصير في البيت يكون هو حديث السهره مع صديقاتك

وزوجك ابعدي انتي شوي عنه واشغلي نفسك مثلا تعلمي الكروشيه او حتى المكياج الجديد شغلي اللاب توب وتعلمي المكياج او التسريحات والحركات في الشعر :27:

اتمنى لو حاولت بس اني فتحت عيونكم على اشياء مهمه


يارب يعجبكم الموضوع