مو كل كبر بطن يعني دهون!

الأسرة والمجتمع

يمكن كثير منكم تمر فيه بدون ما تدري…
أنا كنت أعاني من بطني بطريقة مو طبيعية! كنت أشوف نفسي كأن عندي كرش، حرفيًا ما خليت دايت ولا رياضة ولا وصفة إلا جربتها…
بس النتيجة؟ ولا شي! بطني على حاله،
بديت أقرأ، أبحث، أسمع تجارب، وأخيييرًا فتح الله عليّ وعرفت إن اللي كنت أشوفه مو دهون… كان انتفاخ
أحيانًا البطن يكبر بسبب الغازات؟ أو بسبب حساسية من نوع معين من الأكل؟
خاصة لو تحسين ببطنك منفوخ بدون ألم، ولا انزعاج… بس كذا تحسّين البطن طالع وما فيه شد؟
هذا مو شرط دهون… أبدًا! أنا كنت كذا بالضبط.
وش الحل؟
أول شي، راقبي أكلك.
فيه أكلات يمكن جسمك ما يحبها، مثل
  • الخبز الأبيض
  • الألبان
  • البقوليات
  • حتى بعض الفواكه!جربي تسوين “يوميات للأكل” وراقبي متى بطنك يبدأ ينتفخ… وراح تكتشفين أشياء ما كنتي تتوقعينها
العادة اللي غيرت لي بطني 180 درجة!
كل يوم، أول ما أقوم من النوم:
🚫 ما أشرب قهوة
🚫 ما آكل مباشرة
✅ أول شي أسويه: أشرب أعشاب
مثل
  • شاي أخضر
  • ماء دافئ
  • كركم
  • زنجبيل (بس انتبهي! لا تكثرين منه لأنه ممكن يرفع هرمون الذكورة)
وبعدها بساعة، آكل فطور خفيف، غالبًا:
شوفان مع قهوتي. وربي يا بنات… فرق فرق فرق!
وأخيييرًا… الرياضة!
ترى مو لازم ساعة ولا حتى نص ساعة،
أنا شخصيًا؟ أسوي رياضة 10 دقايق يوميًا، فقط!
بس إيش؟ استمريت.
تشوفنها دقايق مستحيل تسوي فرق
عن تجربه انا شفت الرياضه انها علاج طبيعي لجسمي حرفيا
الخلاصة
مو كل كبر بطن يعني دهون!
اعملي بنصيحة وحدة اليوم، واستمرّي… وراح تشوفين الفرق مثل ما أنا شفته
2
600

يلزم عليك تسجيل الدخول أولًا لكتابة تعليق.

تسجيل دخول

abida star
abida star
شكرا حبيبتي عالنصائح الحلوة
زمردة
زمردة
شكرا حبيبتي عالنصائح الحلوة
شكرا حبيبتي عالنصائح الحلوة
العفو حبيبة قلبي