مو مرتاحـه لكلامه ابدا عشمي فيكم كبير تساعدوني

والله انا تعبانه تعبااااانه ارجوكم ماتهملون موضوعي ارجوووكم انا متزوجه وام لثلاث اطفال حياتي الاسريه ببيت اهلي قبل زواجي كانت مشاكل ماتحصل بكل البيوت لا كانت شوي قويه بين امي وابوي مشاكل واخواني الشباب قلوبهم مو على بعض يعني ببيتنا محد يحب الثاني من قلبه بيت كئيب وفيه طاقه سلبيه بمعنى الكلمه وانا وخواتي قلوبنا مو على بعض لو وحده ماتت الثانيه ماراح تبكي عليها بس ماشيين بالتسليك بالذات انا الوحيده اللي اسلك لاني مريت بظروف قاسيه مره مره خلتني الحلقه الاضعف بين خواتي مع اني الكبيره في البنات المفروض شخصيتي اقوى منهم لكن العكس صحيح وحسبي الله ونعم الوكيل في اللي كان السبب في ضعف شخصيتي ماني مسامحته لادنيا ولا اخره لان حياتي بعدها سوداء بمعنى كلمة سواد
المهم كنا نمشي بالتسليك والمجاملات انا وخواتي بالذات انا لان شخصيتي ضعيفه اسلك كثير واوزع ابتسامات عشان تمشي الحياه لان خواتي على اني اكبرهم بس ماعندهم يمه ارحميني الوحده فيهم تسوي اللي براسها ولا اكبر شنب يهمها يعني الوحده لو ماعجبها شي قالت بالفم المليان وممكن صوتها يعلى عكسي انا مااعترض عن اي شي بحجة خبله كنت دايم اكررها واقول كفايه على ابوي وامي قوة خواتي اجي انا بعد وافرض شخصيتي ؟ فأخلي نفسي السلسله بينهم عشان تمشي عجله الحياه وانا اللي كنت داايم ارخي الحبل ببيت اهلي عشان تمشي الحياه مع ان المفروض الكل يتعاون لكن خواتي ماعطوني فرصه اني اشد لان هم شاادين الحبل طول الوقت كنت زي كفر السياره اللي يتعبى هواء وهو اصلا مليان لكن يتحمل فوق طاقته
بتستغربون ليه طيب كلفتي على نفسك فوق طاقتها بقولكم حسبي الله على اللي كان السبب ومقدر اقول اكثر من كذا لان الشرح يطول
الزبده قبل زواجي صارت مشكله كبييره مره بيني انا وخواتي وابوي وامي وكانت اول مره اقول اللي بقلبي بوجههم طبعا بما انهم مو متعودين على غير ساكته وضعيفه وخاضعه انفجروا فيني يوم تكلمت عن اللي بقلبي وكلهم البنات تكاتفن وصلحوا لي مشاكل وقاطعوني وانا عروس وخبيت على زوجي وانضغطت اعصابي كثر ما خبيت لدرجه زوجي حس بالسالفه وقال خواتك مااشوفك تكلمينهم بالتلفون ولا يزورونك مع ان بيتي يبعد عن بيتهم شارع واحد فقط و كنت اصرف لزوجي . قضيت شهر العسل لوحدي طبعا ابركها من ساعه لاني ادري فيهم لو يعيشون مليون سنه قدام مايغيرهم شي عشت معهم سنين وكبرنا وانا تزوجت ومرت علينا ظروف زي اي بيت ومع ذلك مايزلزلهم شي اهم شي يكونون بعيون الناس الاقوياء والبلطجيه وشخصياتهم ماتنزل الارض هذا اهمم شي عندهم ويبون الناس تخاف منهم وطبعا بسبب ضعفي انحطيت انا زيي زي الناس يبون يخوفوني وبما اننا كنا ببيت واحد عرفوا نقاط ضعفي مضبوط وعرفوا اني مااحب المشاكل واحب اجامل واعتبروا هذا ضعف مني وعرفوا يفرضوا نفسهم علي وللاسف ابوي وامي يخافون منهم لاتقولون يتهيألك لالالااا ابي وامي يخافوون خوف قوي من خواتي مالهم كلمه عليهم
طبعا بتسألون وين شخصيتي وانا اكبرهم ووين اخواني؟السالفه اني زمان كنت اقدر عليهم وحتى اخواني كانو يقدرون عليهم بس كنا مانظلمهم بس نبيهم يتعلمون حدودهم عكس خواتي لو جات بيدهم السلطه يفترون !وهذا الفرق بين شخصيتي وشخصيتهم انا لو كنت قويه بالحق اما هم يتمادون لو كانت بيدهم القوه !
بس امي مدلعتهم لدرجه الخراب ماتبي احد يدوس لهم على طرف وبلا حدود وحطوا تحت كلمة بلا حدود مليوون خط يعني كانت تسمعهم يكلمون شباب ويغازلون بالتلفون وساكته وعاجبها الوضع فعلا مو كل ام تنفع ام تبيهم مدلعات وعوب تخيلوا ام تبي بناتها عوب؟ وقالتها اكثر من مره و شوي شوي خواتي تفرعن وكبرت رؤؤسهم خلاص صار للاسف مالهم اي رادع مايردهم شي لاحسيب ولارقيب بمعنى الكلمه لدرجه وحده منهم عادي تطول لسانها على عجوز وشوي شوي اطربقت فوق ابوي وامي وصار ينولهم من الاهانات جانب ابوي وامي صاروا خايفين رسمي من خواتي بس امي ماتقدر تشتكي لان هذه كانت رغبتها من البدايه على قولة المثل طبخا طبختيه يالرفله اكليه ابوي وامي بالبيت ما لهم رأي ولاكلمه ولا يحركون ساكن وابوي مره اشتكى لي من وراهم ولمح انه تعب جدا وابوي راعي ضغط وسكر وكرسترول وهو يشتكيلي احس الالم بوجهه والحسره وقال كله من دلع امك الماسخ الحين البيت اخترب تماما لدرجه مره زرت اهلي ورجعت من عندهم ولدي يقولي يمه ليه خالتي تصرخ زي المجنونه؟ اللي صار وانا ازورهم وحده من خواتي جالسه تكلم اختي الثانيه بالغرفه وهي تضحك وتصرخ زي اللي في الكباريهات بالضبط ومره جيران اهلي اشتكوا لاهلي على اصوات الصراخ اللي تطلع من عند بيت اهلي وابوي كلم اختي قالتله مالهم دخل اذا مو عاجبهم هم ينقلون من البيت! ابوي سكت وراح المستشفى ارتفع سكره .ابوي حاس انه مو رجال ماقدر يوقفها خايف منها
امي سوت قروب ولاوحده فيهم ترسل شي غيري انا وامي! طيب اقدر اسوي زيهم واصير شايفه نفسي بس انا ادري وش اللي راح يحصل والله العظيم انتوا ماعشتوا بيتنا ولاتدرون لو انا صرت زيهم هم بيكملون غرور ولاوحده فيهم بتتنازل ولين ندخل قبورنا ولاوحده بيرق قلبها اعوذ بالله قلوبهم حجر ترى حتى انا عندي عزة نفسي بس بشوي سماحه تمشي الامور وتسلك لكن هم ينامون ويقومون على هالكبرياء اللي مايتركونه في احلك الظروف ! صرت احس اني اهنت نفسي كثييير بالطيبه اللي ارسمها على وجهي وعلى تعاملي مليييت بنفجر والله بنفجر بتقولون تحبيهم اقولكم لا من سواياهم الانسان بتصرفاته يخليك تحبينه او تنفرين منه 24 ساعه غرور وشوفة نفس علي وعلى ابوي وامي وعالناس بس الفرق ان امي هي اللي صنعت فيهم هالغرور وربي ان امي وابوي رعب من خواتي
المهم بعد القطيعه انا اللي تسامحت منهم لان ابوي وامي ماقدروا على خواتي ولايمكن يبادرن بالتسامح ركبن رؤؤسهم سنه كامله قاطعوني رحت دعست على كرامتي وتسامحت من اللي اصغر مني وسبب القطيعه عشان كلمه قلتها وماعجبتهم صارت هالقطيعه يبوني ساكته ما انطق حرف تعودن على كذا صالحت حتى اختي اللي المفروض بعمر بنتي مديت يدي وسلمت عليها وهي بكل غرور تكلمني!
وبعد الصلح اللي صار من طرفي صارت علاقتنا باارده كلهم مجاملات وانا اجامل اكثر منهم بمراحل لدرجه الوحده فيهم تطلع منها الابتسامه بالغصب حتى اصغر خواتي اللي المفروض اني بعمر امها ماتسولف معي نهائيا ولو جات عيني بعينها تناظرني بغرور قوي يجرح الكرامه وانا استمريت اقول صلة رحم صلة رحم والله تعذذذذذذذذذذذذذبت عذاب وانجرحت كرامتي كثير ولا انا مع الناس لي قدري واحترامي اقدر افرضه عالناس لكن مع اهلي عجزت ولو يرجع فيني الزمن كان عدلت شغلات كثيره
المهم الحين ابوي انا مو فاهمته ونزلت الموضع تفهموني يمكن وحده فيها لها نظره وعندها حكمه بالله ساعددوني ابوي اذاني والله اذاني كل فتره وفتره يقولي احتوي خواتك تنازلي لهم!! قصده يبي علاقتنا مافيها برود ! طيب هم اللي حطوا هالبرود! وش المطلوب مني ابوس ارجلهم مثلا؟ مع ان علاقتنا ماشيه وسالكه اقوله مافهمت يعني وش اكثر من اني متنازله لهم وجالسه اسولف معهم وبيننا واتس ؟ وبعد القطيعه انا اللي تصالحت منهم؟ وبالقروب ساكتين وانا اللي ارسل ؟ يرتبك وتضيع علومه لان عارف اني حطيت كرامتي تحت رجول خواتي ويرجع بعد كم يوم ويعيد نفس الكلام احتوي خواتك تقربي منهم اكثر ارسلي كلام حلو عالقروب!!! وربي انه وهو يوصيني اكبت غضب وزعل وعصبيه بقلبي لين احس ان قلبي راح ينفقع بيوم من الايام والله انا تعباااااااانه ومحد حاس فيني ودي اصرخ ودي اشق هدومي يا امهات يابهات خافوا الله بأبنكم الهادي اللي يرحمكم ارحموووه ولاتكلفوه فوق طاقته
لو انه يطلب مني اني ازيح جليد الثلج اللي هم صنعوه ماعندي مشكله مع انه يجرح كرامتي لكن تدرون وين المشكله ؟؟ يطلب مني اسايسهم بالهداوه واللين؟؟؟ يقولي يوم تتقربين منهم تقربي بهدوء وطيبه وابتسامه لين يوم فقدت اعصابي وقلتله انا الكبيره يبه المفروض هم اللي يساحلوني كذا!! سكت وغير السالفه لان الحق معي ماعرف يرد لكن للاسف كم يوم ورجع يطلب مني نفس الطلب اني اتقرب منهم قصده ازيح البرود والثلج اللي بيننا والله انا كفايه على يوم يزوروني او ازورهم ابتسامتي ماتفارق وهم يادوب تطلع منهم الابتسامه خلاص تعبت تعبت فوق ضيقي من خواتي وغرورهم وتعاملهم
ابوي ازعجني بخواتي من خوفه منهم والله ادري مو حب فيهم بس ليته يطلب مني شي معقول اني ادبهم مثلا لعل الله يخرج شخصيتي لكنه بالعكس يطلب مني اخضع لهم كل همه اني ارضيهم ابوي مايتقي الله انا وحده عندي مشاااااااااغل عندي همووووم عندي زوج لازم اداريه عندي مسؤليات عندي اطفال عندي بيت وحموله وراهم مشاكل عندي امراض ومخبيه عن اهلي ما ابي اشمت الناس فيني انا كل فتره بالمستشفى وكله من الضغوط وانتوا متزوجات وتدرون البيوت اسرار زوجي كل فتره مديون ومخبيه عن اهلي لان شرحتلكم وضع اهلي زفت زفت معنويا عندي كم حرمه متسلطه فيني وتقهرني بكل مجلس وافكر فيها ولالي احد اشكيله اهلي ماينشد فيهم الظهر عندي اعمامي مسويين لي مشاكل ولا اقدر افتح فمي اهلي مااااينشد فيهم الظهر , عندي احزان زي كل الناس عندي امنيات عندي احلام ابي انجزها عندي طموحات ابي احققها بس النفسيه ززززززززفت وفوق كل هذا ابوي يزعجني بسالفة خواتي مايحس مايقول هذه كيف حياتها؟ياترى مع زوجها وش وضعها؟ ياترى تنام حزينه ولا مبسوطه ياترى حزينه ولامرتاحه؟ كل همه كبريااااااااء خواتي ماينمس مايخاف الله يشغلني بأمور تافه وتحرق الدم حرق , انا كل يوم اصلا افكر بحياتي مع خواتي وشوفة نفسهم يعني اساسا اللي فيني مكفيني اكررههم اكرههم بس اسلك عشان تمشي الحياه عشان ربي لا يحاسبني على قطيعة الرحم والله العظيم ثم والله العظيم ان عندي هموم اكثر بكثيييييير من موضوعي هذا لكن حبيت اكتب عن هالجزء بالذات لانه يمس الكرامه وانا كرامتي اغلى ماعندي قول وفعل وهالموضوع احسه اخذ من كرامتي كثير يوم اصغر خواتي ماتعطيني وجه ولاتبتسم لي حتى ومن ضغوط ابوي واصراره على شي مدري وش هو بالضبط مو فاهمه وش يبي مني بالضبط؟! لين بيوم وانا بالحمام جاني تعب يوم رحت المستشفى اكشف الدكتور قالي عند مرض كذا و مرضك هذا سببه الوحيد ضغوط نفسيه شديده انتي زعلتي من شي؟ قلتله انا زعلانه طول الوقت قال ايه اصلا هالمرض مايجي الا من الزعل لاني يابنات اكل بنفسي ليل نهار بسبب القهر وبسبب ضغط ابوي كل شوي فاتح سالفة خواتي وبيوم قلتله وضح وش المطلوب مني؟ قال تكسرين البرود اللي بينكم قلتله البرود منهم هم قال طيب صيري احسن منهم وتنازلي اكثر! مع العلم علاقتنا قائمه وماشيه لكن هو طماع يبني يبيني مداس لهم , قلت يابوي اكثر من اني ازوركم دايم واراسل البنات واتس والقروب اصنام محد يسولف غيري اسفه ماراح اسوي شي المفروض هم يتنازلون وسكت ابوي. بعد كم يوم عاد نفس كلامه! ومن بعدها رحت المستشفى
بالقروب صمتتتت مطبق امي ترسل وترسل وترسل وانا اسلك وارسل لان لو انا ما ارسلت ولا وحده من خواتي ترسل شي بس متفرجات وانا اجامل امي لين ملييييت

انا اعترف اكبر غلطه غلطتها ببيت اهلي اني ماكنت اعترض على ولااااااااااااااااااشي كل شي ابتسم واقول طيب يقالك هذا البـر بس ما اشوف الا زادني غبنه وخواتي مكانتهم صارت فوق ! يعني سعيت للبر وتغاضيت وتنازلت ياما لكن النتيجه ابوي وامي يساحلون خواتي ويخافون على زعلهم ومسووينهم يادهينه لاتنكتين وانا مو بس ما استفدت من الهدوء والتسليك اللي كنت اسويه معهم لا بل انضريت جدا وقاعده ادفع الثمن من راحتي وصحتى
وترى خواتي كبااار ولا وحده فيهم مراهقه