مو مصدقه إني جالسه اشوف بنتي...

بسم الله الرحمن الرحيم
كيف الحلوات اليوم,,
بصراحه ما اعرف في المقدمات لاني نادر ما اكتب موضوع عشان كذا بدخل في الموضوع على طول
يوم الاربعاء بعد صلاة العشاء دخلت عالم حواء وجاء زوجي قلي تبغي شي من السوبر ماركت؟
أعطيته اللسته وشاف بنتي عمرها 3 سنين جالسه حولي وع التلفزيون ماله واخوها نايم قلها يلا سياره ماصدقت..
طلعت معاه..والله والله يابنات انها من لما طلعوا وانا قلبي مو مريحني من طلعتها..ويجي ببالي الولد اللي بالجبيل الله يرحمه خصوصا ان زوجي يترك العيال بالسياره ويروح.
قمت دقيت عليه 3 مرات مارد قلت اكيد تارك الجوال بيد بنتي خصوصا انها تموت فيه من لما يدخل من الباب تقوله بابا اعطيني اي فونك
دقيت دقيت لحد مارد قال إشفيك عسى ما شر قلت وين بنتي قال هنا معايه قلت لا تتركها بالسياره قال طيب واقفل يدق علي بعد ساعه يقولي انا في محل لعب اشتري لها عروسه وجالس يخيرني بينها
استغربت ابو الشباب تعبان ويبغى ينام وبالعافيه طلع للسوبر ماركت ليش راح لمحل الالعاب؟؟
ولما جاء قلي بصراحه صدقت إن قلب الام شي عظيم تصدقين لما دقيتي كنت قاطع الشارع وتركت البنت بالسياره ولما كنت اكلمك إلتفت لها لقيت تحت السياره من الجهه الثانيه رجول بالارض وإستوعبت إنها فتحت الباب ونزلت يقول ركضت وماعد انتبهت للسيارات وأخذها ..........وابو الشباب ماصدق إنها بخير راح يدلعها..
يقولي بفضل الله ثم إتصالك والدعاء بعد صلاة المغر يقول جلسة من بعد المغرب للعشاء ادعي والله ما اذكر اش دعيت بس الحمد الله اللي حفظها..
قلت لاهلي اليوم الثاني إنفجعوا قالوا لي إسمعي إنتبهي لبنتنا والله مانعرفك إلا بها >>عاد ما يحتاج دلوعتهم
الحمد الله اللي حفظها لي..
وبث...طولت صح؟؟؟:35: